OIA

Oia acolle un campus multideporte do 15 ao 26 de xullo   

O prazo de inscrición permanece aberto ata o 30 de xuño  

Infogauda / Oia

 O Oiense C.F., coa colaboración do Concello de Oia, organiza o próximo mes de xullo un Campus Multideporte dirixido nenos e nenas de entre 5 e 15 anos. As actividades serán desenvolvidas por monitores titulados e incluirán disciplinas deportivas como tenis, fútbol, baloncesto, balonmán e natación.  

 O campus desenvolverase entre o 15 e o 26 de xullo. As sesións serán de luns a venres en horario de 9:30 a 13:30 horas (de 9:00 a 9:30 horas efectuarase a recepción dos nenos e nenas).  

 O prezo total das actividades é de 65 euros por neno, con descontos de 5 euros para os irmáns. Este importe inclúe o equipamento (camiseta e pantalón) e unha merenda saudable diaria.   

 O prazo de inscrición permanece aberto ata o 30 de xuño. As solicitudes poden facerse no Concello e no número de teléfono 639 329 493.