CAMBADOS

Alfonso Rueda: “Luis Aragunde é a garantía dun goberno honesto, transparente e de proxectos en serio para Cambados”  

• O presidente provincial aposta por abrir unha nova etapa de cambio  da man dun alcalde do PP que aporte experiencia, balance de xestión eficaz e cun equipo preparado e comprometido 

• O candidato á Alcaldía presenta a lista de 27 persoas coa que  concorrerá ás eleccións do 26 de maio cun programa ilusionante e   orientado a rematar con catro anos perdidos para que a localidade “volva a brillar”   

Ana Pastor e Alfonso Rueda, con Luis Aragunde, candidato do Partido Popular á Alcaldía de Cambados a tódolos compoñentes do seu equipo

Infogauda / Cambados

 O presidente do PP de Pontevedra, Alfonso Rueda, afirmou hoxe que Luis Aragunde representa “a garantía de que Cambados teña un goberno honesto, transparente e de proxectos serios” para os vindeiros catro anos, frente á parálise e a opacidade.  Para elo, argumentou, conta coa experiencia necesaria, con balance de xestión eficaz e cun “equipo preparado e listo para asumir responsabilidades desde o primeiro día”.   

 “Unha lista comprometida ao cen por cen e confeccionada para sair a gañar por maioría absoluta.  Para abrir unha nova etapa. Na que ninguén se presenta só por encher”, asegurou durante a súa participación nun mitin que serviu de presentación do equipo que acompañará a Luis Aragunde na súa candidatura á Alcaldía nas eleccións municipais. Nesta liña, amosouse convencido de que os populares obterán un gran resultado o 26 de maio en todos os concellos da provincia.   

 “Cambados necesita un cambio canto antes que devolva a ilusión”, suliñou Rueda, apelando a unir o voto no Partido Popular como única alternativa para conformar un goberno sólido e estable. “Temos ao mellor candidato posible. Sabe facer as cousas, ten proxecto e vai devolver a Cambados ao lugar que merece como un dos concellos de referencia na provincia e en toda Galicia”.   

 O presidente provincial definiu a Aragunde como unha persoa “valiente e das que sempre da a cara”, dialogante, cercana aos veciños e integradora, incidindo na súa capacidade de traballo e saber facer para tomar as decisións axeitadas.  

 Pola súa banda, Luis Aragunde explicou que presenta un programa ilusionante “para rematar con catro anos perdidos” no que a transparencia no Concello será un dos piares fundamentais.  Tamén se centrará na creación de emprego e oportunidades, co apoio ao comercio entre as grandes prioridades, e coa intención de dar a Cambados unha etapa de estabilidade e boa interlocución co resto das administracións .  

 Igualmente, agradeceu o compromiso de toda a súa candidatura, incidindo en que conta coas persoas  mellor capacitadas “para que Cambados volva a brillar”.

 

CANDIDATURA DO PP DE  CAMBADOS ÁS ELECCIÓNS MUNICIPAIS DO 26 DE MAIO

1.         Luis Aragunde Aragunde

2.                María Isabel Fole Trigo

3.                Silvia Fernández Pérez

4.                Martín González Arosa

5.                Sonia Agra Piñeiro

6.                Juan Ramiro Gómez Blanco

7.                María del Mar Núñez Chaves

8.                Nerea Pintos Castro

9.                Mónica Montserrat Peña Otero

10.          José Carlos Trigo Trigo

11.          Ana Isabel Oubiña Santos

12.          Fabián Domínguez González

13.          Manuel Parracho Castro

14.          Alberto Lorenzo Dios

15.          Minia Martínez Torres

16.          Daniel González Galiñanes

17.          Emérita Oubiña Vieites

18.          Silvia García García

19.          Luis Manuel Prieto Álvarez

20.          María Nelly Fernández Pérez

21.          Joaquín Cores Pérez

22.          Marcos Carro Camiña

23.          Rodrigo Piñeiro Carro

24.          Pablo Vázquez Paz

25.          Marina Pérez Costa

26.          Ana María Cores Fontenla

27.          Carlos Alberto Cacabelos Caamaño