A GUARDA

Cruz Vermella abre o prazo do curso “Animación e estimulación xerontolóxica” orientado a  novos voluntarios  

 Cruz Vermella Baixo Miño / A Guarda

 Cruz Vermella Española desde a súa Asemblea Comarcal de Cruz Vermella Baixo Miño, convoca dentro das súas accións formativas un Curso de Animación e estimulación xerontolóxica dirixido a maiores de 16 anos, que desexan realizar actividade voluntaria no ámbito da animación no Programa de Persoas Maiores de Cruz Vermella en Baixo Miño  

 A acción formativa desenvolverase os días 3, 4, 5 e 6  de xuño en horario de 09:00 a 14:00  horas. 

 Os obxectivos son dar a coñecer de maneira sinxela habilidades e ferramentas básicas que leven a desenvolver actividades efectivas e prácticas con persoas  maiores. Na súa estrutura inclúe os seguintes módulos:  

Módulo 1. LECER E TEMPO LIBRE COA PERSOAS MAIORES.

Módulo 2. TÉCNICAS PARA A COORDINACIÓN DE GRUPOS.

Módulo 3. PSICOMOTRICIDADE E XOGOS DE MOVEMENTO  

Módulo 4. PSICOESTIMULACIÓN. ACTIVIDADES PARA ESTIMULAR A MENTE.  

 Os novos voluntarios que se formen neste curso poderán participar nas diversas actividades que desenvolve Cruz Vermella Baixo Miño con maiores, estas son: taller de estimulación da memoria, taller de ximnasia de mantemento, taller de alfabetización, taller de teatro, taller do uso do teléfono móbil, talleres de redes sociais nos diferentes  concellos da comarca. 

 Todas as persoas que estean interesadas e/ou desexen  recibir máis información, sobre esta formación ou sobre as actividades que Cruz Vermella desenvolve con maiores poden dirixirse a: 

Cruz Vermella Asemblea Comarcal Baixo Miño 

Rúa Agustín  Nandín Lomba, nº 2 baixo

A Guarda

Teléfonos: 986 614 609/ 606 348 471  e-mail:laguardia@cruzroja.es