A Ecopista entre Vila Nova de Cerveira e Valença do Minho abriu o calendario de Andainas 2019
Caminhenses e guardeses, participando na andaina pola Ecopista ao carón do río Miño entre Vila Nova de Cerveira e Valença do Minho
Foto: C.A.G.
Infogauda / A Guarda / Caminha
O Concello de A Guarda e a Câmara Municipal de Caminha continúan ofertando actividades deportivas conxuntas cun novo calendario de andainas para este ano 2019, no que se inclúen un total de 5 andainas e, como nas edicións anteriores, os percorridos realízanse en Galicia e Portugal.
As andainas iniciáronse o pasado sábado día 23 de febreiro cun percorrido pola Ecopista ao carón do río Miño entre Vila Nova de Cerveira e Valença do Minho, onde un grupo numeroso de veciños de A Guarda e de Caminha aproveitaron e gozaron dunha espléndida xornada cunhas excelentes temperaturas para coñecer este paseo á beira do río Miño por terras portuguesas. A andaina iniciouse no Parque do Castelinho e finalizou na fortaleza de Valença.
A próxima cita será unha ruta polo Sendeiro do Tea o sábado 9 de marzo.
A ruta de Peneda a Sistelo o sábado 6 de abril.
A ruta da Pedra e da Auga e do Río San Martiño o martes 1 de maio.
O calendario de andainas rematará o sábado 1 de xuño, coa ruta do Sendeiro do Miradoiro de Matacás.
Ningún comentario:
Publicar un comentario