DEPORTES

REMO

ÓSCAR ALONSO ALONSO, CAMPIÓN DE ESPAÑA NO I OPEN DE ESPAÑA DE REMO INDOOR

· Na proba de 500 m. absoluto masculino

Óscar Alonso Alonso, de A Guarda, campión de España de Remo Indoor na modalidade 500 m. absoluto masculino

Infogauda / Deportes

 A pasada fin de semana, días 19 e 20 de xaneiro de 2019, tivo lugar no Pavillón Universitario, Campus de As Lagoas (Ourense), o Ier Open de España de Remo Indoor, que se celebrou na mesma sede que o XVIIIº Campeonato de España de Remo Ergómetro.

 O remeiro Óscar Alonso Alonso, de A Guarda, pertencente o C. R. Miño, que participou na proba de 500 m. absoluto masculino e fixo un tempo de 01:19.3, proclamouse campión de España nesa modalidade.

 En 2ª posición, quedou Marcos César Morales Sarmiento, do club Raspas del Embarcadero A. E., que fixo un crono de 01:20.7. 

 E en 3ª posición, Eugenio Fernández Fernández, do club Grupo Corvera de Remo, que fixo un tempo de 01:27.6.

DESTACADA PARTICIPACIÓN DE REMEIROS DO C. R. ROBALEIRA NO I OPEN DE ESPAÑA

 A presenza e participación de remeiras e remeiros de A Guarda nese I Open de España de Remo Indoor, permitiu constatar que esta modalidade deportiva pode depararnos moitos éxitos se se continúa traballando axeitadamente. 

 De xeito orientativo podemos decir que na categoría de 200 alevín, vemos a Iago Vicente Adrover, do C. R. Robaleira, que logrou o 10º posto da clasificación, con un tempo de 00:48.9; e tamén á Ángela Lomba Adrover, tamén do C. R. Robaleira, que quedou no posto 13º, con un tempo de 00:50.3.

 En 250 m. infantil masculino, Kylian Periáñez Alonso, do C. R. Robaleira, logrou un 4º posto, con un tempo de 00:49.4, e seu compañeiro de club Jacobo Rodríguez Guerreiro, logrou o 7º posto, con un crono de 00:51.5.

 Na categoría 250 m. infantil feminino, Nieves del Carmen Silva Martínez, do C. R. Robaleira, logrou o 2º posto, e por conseguinte, a medalla de prata e o subcampionato de España con un tempo de 00:51.1. 

 No posto 11º, outra guardesa, Tecla Baz Baz, do C. R. Robaleira, competiu na mesma proba, facendo un tempo de 01:04.8.

 Na proba de 500 m. cadete feminino, Beatriz Anselmo Alonso, do C. R. Robaleira, quedou clasificada en 8ª posición, con un tempo de 01:49.3, namentras que Uxía Fernández Videira, do C. R. Robaleira, quedou no posto 11º, con un tempo de 01:59.1; e Claudia Claro Barbosa, tamén do C. R. Robaleira, pechou a clasificación no posto 12º, con un tempo de 02:02.3.

 Na regata de 500 m. xuvenil masculino, Iago Martínez González, do C. R. Robaleira, logrou o 2º posto, e por conseguinte, medalla de prata e o subcampionato de España, facendo un tempo de 01:30.5. 

 Na mesma categoría tamén participaron Hugo Carrero Rodríguez, do C. R. Robaleira, que logrou o 7º posto, con un crono de 01:38.4; Andrés Oroña González, do C. R. Robaleira, logrou o posto 9º, con un tempo de 01:40.3; e Julián Lomba Fernández, tamén do C. R. Robaleira, quedou no posto 12º, con un tempo de 01:46.1.

  Na categoría 500 m. xuvenís féminas, Joan Alexa Araújo Rodrigues, do C. R. Robaleira, logrou a medalla de bronce, con un tempo de 02:00.5.

 Na regata de 500 m. sub23 masculino, Manuel Ángel Silva Martínez, do C. R. Robaleira, logrou a 4ª praza, con un tempo de 01:39.6.

 Na categoría 250 m. veterano feminina, Jéssica María González Martínez, do C. R. Robaleira, logrou clasificarse en 6ª posición, con un tempo de 00:56.2.

 Na categoría 500 m. adaptado intelectual masculino, Xermán Cordero Verde, do C. R. Robaleira, logrou a 3ª praza, e por conseguinte medalla de bronce, con un tempo de 01:47.1.

 Na categoría 1.500 m. cadete feminino, competiu Beatriz Anselmo Alonso, do C. R. Robaleira, logrando a 3ª posición, e por conseguinte medalla de bronce, con un tempo de 05:54.2; e na 7ª praza, quedou clasificada Uxía Fernández Videira, do C. R. Robaleira, con un tempo de 06:35.0; e pechando a clasificación, no posto 8º, Claudia Claro Lago, do C. R. Robaleira, con un crono de 06:52.2.

 En 2000 m. xuvenil feminino, Joana Alexa Araujo Rodrigues, do C. R. Robaleira, obtivo o 1º posto, con un tempo de 08:50.2.

 En 2000 m. xuvenil masculino, Iago Martínez González, do C. R. Robaleira, logrou o 2º posto, medalla de prata e o subcampionato de España, con un tempo de 06:56.7; Hugo Carrero Rodríguez, do C. R. Robaleira, quedou en 3ª posición, polo tanto medalla de bronce, con un tempo de 07:20.5; e finalmente Andrés Oroña González, en 4ª posición, con un tempo de 07:21.3.

 En 1000 m. veterana feminina, Jéssica María González Martínez, do C. R. Robaleira, obtivo o 1º posto, con un tempo compensado de 05:11.40.