A GUARDA

CHEGADA DO APALPADOR Á GUARDA

Sábado 22 de decembro, ruada a partir das 12 horas polas rúas da Guarda

Ricardo Rodríguez Vicente / A Guarda

 Co gallo da chegada do Apalpador a nosa Vila, o Centro Social Fuscalho informa que o sábado día 22 de decembro, haberá unha ruada a partir das 12:00 horas polas rúas da Guarda. 

 A figura do Apalpador, forma parte da tradición do Nadal galego. E como queira que nalgúns lugares pasou o esquecemento, xurdiron colectivos que fixeron todo o posible pola súa recuperación. Como queira que no Baixo Miño xa non había lembranzas do Apalpador, o C. S. Fuscalho contribuiu desde fai uns anos a esa recuperación. Foi así como o Nadal na Guarda fixo un merecido oco para O Apalpador. 

 Dese xeito, a visita anual do Apalpador xa é algo agardado por picariños, e tamén - por qué non? - polos maiores, que cando se fala de tradicións galegas, todo o mundo está pola labor. 

 Como debe ser.