Obradoiro coas alfombristas guardesas
O sábado día 25 de agosto ás 12:00 do mediodía, na Casa dos Alonso
Infogauda / A Guarda
A Casa dos Alonso, na Praza do Reló, acollerá este sábado día 25 de agosto ás 12:00h do mediodía, un obradoiro/demostración das alfombras florais, que cada ano enchen de cor as rúas guardesas polo Corpus Christi. Unha actividade complementaria que se inclúe dentro da exposición Así Somos, do fotógrafo Mac Kraja, que se atopa neste espazo dende o pasado 20 de xullo.
O Obradoiro «Alfombras», de carácter aberto e para todos os públicos, contará coa colaboración da recentemente creada Asociación Cultural de Alfombras da Guarda, onde explicarán o traballo da confección das alfombras florais na Guarda, como funciona esta interesante labor, de recollida previa de flores, follas, así coma os deseños que ano a ano se realizan para esta ocasión e que atraen a numerosos visitantes á vila guardesa.
Dende o Concello da Guarda convídan á cidadanía e aos visitantes desta tempada estival a coñecer este traballo e a participar neste obradoiro.
Ningún comentario:
Publicar un comentario