A GUARDA

Gran actividade cultural e deportiva nesta fin de semana na Guarda   

· Moita música, cultura e programación para todas as idades para dar a benvida ao mes de xullo na Guarda

Infogauda / A Guarda

 A Guarda contará unha vez mais cunha fin de semana de gran oferta cultural e deportiva para todas as idades, que dende o venres e ata o domingo realízanse en diferentes espazos públicos do municipio.  

Venres 29 de xuño: 

 Na xornada deste venres día 29 de xuño destaca a presentación do libro “Hospital Casa-Asilo de A Guarda(1918-2018) Centenario de una institución benéfica nacida en Puerto Rico”, do historiador local Joaquín Miguel Villa, ás 20:30 horas, no Centro Cultural da Guarda. 

 Ás 20:30 horas, as instalacións da Asociación Veciñal “O Percamiño” da Gándara acollerán unha Mostra Musical a cargo da Agrupación Musical da Guarda.  

Sábado 30 de xuño: 

 O sábado 30 de xuño ás 12:00 horas, o Museo do Mar da Guarda acolle a inauguración da Exposición “As achegas das mulleres á sustentabilidade do mar” que, baixo o proxecto “Sustentabilidade en feminino”, busca amosar as achegas das mulleres ao desenvolvemento sustentable e á conservación dos nosos mares. 

 A Praza do Reló acolle dende as 20:00 horas o I Festival Sons da Guarda no que participarán o Coro Arpegios, o Coro Cantábile, a Coral da Terceira Idade, a Agrupación Coral Polifónica de A Guarda e o Coro de Cámara de Crecente. Este evento está organizado pola Asociación Arpegios Cantábile. 

 Durante toda a xornada do sábado a Fortaleza de Santa Cruz será o escenario da I edición do Interlude Fest, un festival de música organizado dende a Asociación Cultural Rock´n´Rolla que contará con diversas actividades coma un Campionato de Petanca, Xornadas de adopción animal, Mercado solidario de Conrazones, mostra de artesanía, inchables e xogos infantís, así coma as actuacións dos grupos Kuna de Odio, Mano de Piedra, Santos Morcegos, Terader, Silf-Atär, Teseracto, Jani´s Joplin e Perseide. 

 O recinto abrirase ás 11:00 horas e os concertos comezarán ás 20:00 horas.  

Domingo 1 de xullo: 

 O domingo día 1 de xullo na Alameda da Guarda terá lugar unha xornada de Ioga aberta ao público e de carácter gratuíto, de 11:00 a 12:00 horas. 

 Ás 20:30 horas o Auditorio de San Bieito acolle a XIV edición do Festival de Baile Moderno, unha das citas mais importantes de baile e danza na programación do verán na Guarda, evento organizado polo Grupo de Baile Xamaraina. 

 A Exposición “Faros de Galicia” de Carlos Ramos Fernández estará presente no Centro Cultural da Guarda ata o vindeiro 7 de xullo, en horario de luns a venres de 9:00 a 14:00 horas e os sábados de 10:00 a 13:00 horas.  

 Moita música, cultura e programación para todas as idades para dar a benvida ao mes de xullo na Guarda.