O BNG presenta moción para a creación de camiños escolares seguros na Guarda
Ángel Luis Baz Vicente, portavoz municipal do BNG no Concello de A Guarda: “O BNG solicitou por escrito esta medida hai máis de mes e medio sen contestación por parte do Alcalde da Guarda”
Ángel Luis Baz Vicente, portavoz municipal do BNG no Concello de A Guarda
Infogauda / A Guarda
O BLOQUE NACIONALISTA GALEGO presentou unha moción no rexistro do Concello da Guarda para “a redacción de proxectos e plans de dinamización de camiños escolares seguros”.
En decraracións a este xornal dixital, Ángel Luis Baz Vicente, portavoz municipal do BNG no Concello de A Guarda non dubidou en afirmar: “Para o BNG os proxectos de camiños escolares son iniciativas dirixidasa que as e os menores poidan moverse con seguridade e autonomía polas rúas e recuperen o uso e goce do espazo público, ao mesmo tempo que repercuten nas formas de organización das vilas.
O BNG lembra que o artigo 31 da Carta dos Dereitos do Nenodi que ten dereito ao descanso e ao lecer, ao xogo e ás actividades recreativas propias da súa idade e a participar libremente na vida cultural e nas artes”.
Baz Vicente lembra que “a Deputación de Pontevedra, dentro da súa Estratexia de Mobilidade 3.0, coloca os colectivos máis vulnerables como suxeitos principais das melloras en materia de mobilidadee, neste sentido, unha das principais prioridades é mellorar o contorno para as e os máis pequenos”.
“A principios de abril - engade o voceiro municipal do BNG no Concello de A Guarda - solicitamos por escrito ao alcalde da Guarda que presentase un proxecto para a redacción dun plan de camiños escolares seguros, pola importancia do asunto. Un mes e medio despois, nin tan sequera nos contestou, polo que nos vemos obrigados a presentar esta moción para que sexa o pleno quen o decida. Esperemos que o resto da oposición estea a altura das circunstancias”.
“O BNG ten claro - afirma Ángel Luis Baz - que na Guarda hai un bo número de alumnado que se beneficiaría directamente desta liña de subvencións debido á proximidade do seu centro á rúa Concepción Arenal de titularidade da Deputación”.
Ningún comentario:
Publicar un comentario