CULTURA

A CASA DE GALICIA EN MADRID ACOLLEU HOXE A CONFERENCIA DE JUAN LUÍS BECEIRO “A EXPULSIÓN DOS XUDEUS E A INQUISICIÓN ESPAÑOLA”   

O historiador ferrolán analizou a situación relixiosa na España dos séculos XV e XVI ante cerca de medio centenar de persoas   

O historiador ferrolán Juan Luis Beceiro co coordinador de Actividades da Casa de Galicia Ramón Jiménez instantes antes da conferencia sobre os xudeus e á Inquisición

Fotos: C. de G.

Infogauda / Madrid

“A Inquisición española foi a única de Europa que non queimou a ningún escritor, humanista ou científico”, asegurou categórico o historiador ferrolán Juan Luís Beceiro na Delegación da Xunta en Madrid/Casa de Galicia na conferencia que pronunciou baixo o título “A expulsión dos xudeus e a Inquisición española”. Na súa disertación, na que analizou a situación relixiosa na España dos séculos XV e XVI, argumentou que a lenda negra xurdida ao redor da persecución dos xudeus e a Inquisición foi “unha campaña orquestrada polos inimigos de España, e especialmente polos protestantes”. O relator explicou ante cerca de medio centenar de persoas que a Inquisición española creouse dous séculos despois de establecerse en toda Europa e as condenas a morte non chegaron a 3000 durante todo o tempo que funcionou en España e Iberoaméica, sendo a única de todas elas que non condenou a escritores nin científicos. En relación aos xudeus, Beceiro subliñou que os Reis Católicos non foron os primeiros monarcas españois que os expulsaron, dado que nove séculos antes xa o facía o rei godo Sisebuto, entre os anos 613 e 620. “Desde o século XII en diante, os xudeus foran expulsados de case toda Europa” e os Reis Católicos non podían ser antisemitas, pois Fernando era de sangue xudea pola súa nai, unha Henriquez; e Isabel estivo a piques de casar cun xudeu por ambas as dúas partes, Pedro Girón. Ademais, “foron os xudeus os que permitiron o triunfo de conquísta tan rápida aos musulmáns ao abrirlles as portas das cidades españolas e asegurar o control destas cando os conquistadores de Alá internánbanse na Península”, explicou.  

Cerca de medio centenar de persoas achegáronse á Casa de Galicia para escoitar áa conferencia de Juan Luis Beceiro

 A presentación do orador realizouna, en nome do delegado da Xunta en Madrid e director da Casa de Galicia José Ramón Ónega, o coordinador de Actividades da institución galega, Ramón Jiménez, quen nas súas palabras achegou algúns datos da biografía do conferenciante. Juan Luís Beceiro García é licenciado en Dereito pola Universidade de Salamanca na que foi Axudante de Cátedra de Dereito Internacional. Ademais realizou estudos de Lingua e Literatura inglesas e Dereito Civil escocés na Universidade de Saint Andrews, en Escocia, onde acudiu como bolseiro. Os seus coñecementos en temas de política internacional propiciaron así mesmo a súa colaboración na prensa de Salamanca. Finalmente, xa xubilado, pertence á Asociación de Profesores Xubilados (ASPUR) e á Real Liga Naval Española. Tamén é autor do libro titulado La mentira histórica desvelada, un amplo texto que recolle o seu pensamento sobre os temas que máis lle preocuparon ao longo da súa vida e que teñen que ver fundamentalmente coa Lenda Negra que outros países fabricaron sobre España, “ese relato desfavorable sobre o noso país e o seu pasado que os españois, nunha gran maioría, aceptaron sen máis, quizais, como apuntan algúns autores, por un problema de autoestima”.