MOVEMENTOS SOCIAIS

Barallan trasladar as protestas polo indulto a Carlos e Serafín á Subdelegación ante a falta de resposta do Goberno 

As rúas de Vigo acolleron unha nova concentración solidaria cos dous traballadores condenados a prisión

A Subdelegación non responde a petición de reunión cursada polas centrais

As centrais quixeron deixar moi claro que continuarán coa campaña de mobilizacións o tempo que faga falta até lograr o indulto para os dous afectados

Foto: CIG

Infogauda / Vigo

 A CIG, CCOO e UGT anunciaron o pasado xoves ao remate da concentración que cada mes desenvolven en Vigo para reclamar o indulto para Carlos Rivas e Serafín Rodríguez que a vindeira mobilización podería celebrarse diante da Subdelegación do Goberno en Pontevedra ante a falta de resposta do propio organismo á petición de xuntanza por parte das centrais e o silencio continuado do Executivo español a respecto dunha medidade de graza que evitaría a entrada en prisión dos dous traballadores.  

 Os sindicatos promotores das mobilizacións que cada mes se desenvolven en Vigo para reclamar o indulto adiantaron o pasado xoves a posibilidade de que a vindeira protesta se celebre diante da Subdelegación do Goberno en Pontevedra para denunciar a falta de contestación deste organismo á petición de xuntanza por parte das centrais e o silencio continuado do Executivo que preside Mariano Rajoy a respecto da concesión dun indulto que evite a súa entrada en prisión. 

 O anuncio foi feito ao remate da concentración celebrada o xoves diante do Marco de Vigo, na que arredor dun cento de persoas amosou a súa solidariedade cos dous traballadores e berraron consignas a prol do indulto e contra a actitude do Goberno español. “Non son ladróns, son traballadores” ou “Indultan banqueiros/as, condenan obreiros/as” foros unha vez máis as consignas máis coreadas.

 A pesar de que esta situación se está a prolongar dende hai case catro anos, as centrais quixeron deixar moi claro que continuarán coa campaña de mobilizacións o tempo que faga falta até lograr o indulto para os dous afectados, “xa que o seu único delito foi participar nunha folga perfectamente legal como foi a do transporte de 2008 e defender os seus dereitos e os dous seus compañeiros/as”.