OIA

HOMENAXE PÓSTUMA A CELEDONIO CRESPO CARABELOS

Domingo, día 8 de xaneiro, ás 12:30 horas, na Praza-Mirador do Concello de Oia 

Infogauda / Oia

 O domingo, día 8 de xaneiro, ás 12:30 horas, na Praza-Mirador do Concello de Oia, celebrarase un acto de homenaxe póstuma a Celedonio Crespo Carabelos (Alguacil do Concello de Oia dende 1977 ata 2008). 

Félix Gómez Fidalgo, escultor de Martín (O Rosal)

Foto: Santiago Baz Lomba

 Nesa homenaxe o gratamente relembrado "Nono Ó Alguacil", como lle chamaban amicalmente, que faleceu o día 04 de outubro de 2014; será inaugurado o busto (obra de Félix Gómez Fidalgo, de Martín - O Rosal), e actuará a Coral Polifónica Vagalume, fundada en novembro de 2001, en Viladesuso (Oia). 

Coral Vagalume, de Oia, da cal foi compoñente activo Celedonio Crespo Carabelos

Foto: C. V.

 Ademais de haber sido membro da Coral Vagalume, Celedonio Crespo Carabelos, desempeñou tamén á labor de secretario, na xunta directiva presidida por Néstor Estévez Pérez.

 Por moitas razóns, consideramos todo un acerto que o Concello de Oia, presidido pola alcaldesa Cristina Correa acordase organizar esa merecida homenaxe a unha persoa de trato afable e servicial, entre outras moitas cualidades humanas, polas cales sempre estará na memoria de tódalas persoas que tiveron a sorte de coñece-la e trata-la, e que por desgraza xa non está entre os seus, familiares, amigos e veciños de Oia.