CULTURA
O ESCRITOR FRANCISCO CASTRO, PARTICIPARÁ NUNHA TERTULIA LITERARIA NA BIBLIOTECA DO CEIP ANTONIO FERNÁNDEZ
O evento, que terá lugar o venres día 4 de novembro, ás 20:00 horas, está organizado polo Club de Lectura “Chocolate con libros”
Nandi de Santiago Moure /Goián
Este venres, día 4 de novembro, o escritor vigués Franciso Castro participará nunha “Tertulia literaria” na biblioteca do CEIP pintor Antonio Fernández, de Goián.
Francisco Castro é, ademais de escritor de lingua galega, editor de Literatura Infantil e Xuvenil e coordinador de Novos Proxectos na Editorial Galaxia.
Entre outras obras escribiu Spam (premio Blanco Amor de novela 2005) Chamádeme Simbad (lista de Honra de IBBY 2012) O neno can, con Fina Casalderrey (lista de Honra IBBY 2013), Tes ata as 10, Amor é una palabra coma outra calquera, etc.
Sendo a día de hoxe un autor de referencia nos centros de ensino.
O escritor falará de libros, amor, emocións, intrigas e compartirá co público reflexións e experiencias literarias.
O acto está organizado polo Club de Lectura “Chocolate con libros”. Será ás 20:00h e a entrada é libre.
Ningún comentario:
Publicar un comentario