FILATELIA
EXFIMIÑO 2016: MERECIDA HOMENAXE A D. ALFONSO MARTÍNEZ PENIZA
Foi, ademáis de un guardés de lei, emprendedor, socio fundador, primeiro Vice-presidente e Vice-presidente de Honor da Sociedade Filatélica e Numismática Guardesa e Presidente do Recreo Artístico Guardés
Alfonso Martínez Peniza, cara a 1970
Fotografía do Recreo Artístico Guardés
Infogauda / A Guarda
A meritísima Sociedade Filatélica e Numismática Guardesa (S.F. e N.G.), organiza a súa XXIII mostra filatélica e a XXª edición de EXFIMIÑO, exposición Filatélica en homenaxe póstuma a D. Alfonso Martínez Peniza, Vice-presidente de Honra, da S.F. e N.G.. Por este motivo porase en circulación un selo personalizado ca imaxe da fachada principal do inmoble que alberga o Recreo Artístico Guardés, propiedade que foi adquirida sendo D. Alfonso Martínez Peniza, presidente desa sociedade.
No acto de inauguración, o historiador Dr. Joaquín Miguel Villa Álvarez fará unha reseña biográfica da persoalidade homenaxeada.
Alfonso Martínez Peniza (1907-1996) foi o vicepresidente fundador do Grupo Filatélico Guardés, en 1964, cárrego que desempeñou o longo de 32 anos, ata seu falecemento en 1996.
Como nos refire o activo historiador guardés Joaquín Miguel Villa Álvarez, o Grupo Filatélico Guardés xurdiu como unha sección da Sociedad Pro-Monte Santa Tecla, benemérita entidade da que entón Alfonso Martínez Peniza era tamén vicepresidente. Non en balde, estamos referíndonos a un dos dirixentes máis dinámicos da Sociedade Pro-Monte Santa Tecla en toda súa historia, permanecendo 25 anos na súa Xunta Directiva. E sempre de maneira activa. Foi tesoureiro da Pro-Monte un ano, de 1941 a 1942. Logo doce anos - entre 1952 e 1964 - de vogal; tres anos - entre 1964 e 1967 - de vicepresidente; un ano - de 1967 a 1968 - de secretario; e oito anos - entre 1971 e 1978 - de vogal.
"Pero o impresionante dinamismo da súa vida pública foi máis aló do seu paso pola Pro-Monte xa que, ademais de secretario do Casino da Guarda, en 1940, foi presidente da Comisión de Festas do Monte dos anos 1959, 1951, 1962 e 1963, organizando este último ano un memorable 60º aniversario da festa. Foi precisamente en 1961 cando puxo en marcha o proxecto da Casa da Cultura que se faría realidade en 1974".
"Pero sobre todo - engade Villa Álvarez - Alfonso Martínez destacou como directivo do Recreo Artístico Guardés, unha sociedade guardesa da que foi tesoureiro no ano 1939, vicepresidente en 1942, e especialmente presidente durante once anos, repartidos en dúas etapas: 1971 a 1977 e 1980 a 1983. En ambas presidencias alcanzará o cume da súa faceta social e cultura na Guarda pois na primeira logrou dotar ao Recreo dunha sede social en propiedade por primeira vez na súa historia (1974), e na segunda a creación de tres agrupacións folclóricas e musicais: "Os Pelouros", "Arxil" e "Rondalla", Refrendando este esplendor cultural guardés ao viaxar co grupo "Os Pelouros" en visita institucional a Puerto Rico e República Dominicana no ano 1984. Por eses anos tivo tamén unha importante participación política a nivel municipal xa que foi cinco anos concelleiro: entre 1971 e 1975. A vista destes datos pódese afirmar, sen ningunha dúbida, que Alfonso Martínez Peniza foi un dos principais, se non o principal animador e xestor sociocultural da Guarda no pasado século XX (...)".
Alfonso Martínez Peniza foi tamén unha persoa emprendedora no ámeto profisional, vencellado o comercio de tecidos, paquetería, mercería e novidades, así como ás salas de cinema Teatro Cine Avenida e Salón Parque Avenida.
EXFIMIÑO 2016 ABRE SÚAS PORTAS ESTE LUNS DÍA 10 DE OUTUBRO
EXFIMIÑO 2016 ABRE SÚAS PORTAS ESTE LUNS DÍA 10 DE OUTUBRO
Ainda que estará aberta desde este luns día 10 de outubro, á inauguración de EXFIMIÑO 2016 será o día 12 deste mes, ás 19:00 h., e poderase visitar ata ó domingo día 16 de outubro, na Casa dos Alonso (Praza do Reló), en pleno casco histórico da vila de A Guarda.
En EXFIMIÑO 2016 participan as máis importantes coleccions filatélicas de Galicia e do Norte de Portugal.
Ningún comentario:
Publicar un comentario