PONTEVEDRA

Os populares condenan os ataques e solidarizanse co deputado nacionalista, Uxío Benítez 

O Partido Popular de Pontevedra considera inadmisibles as acusacións de César Mosquera 

• No Partido Popular somos por desgraza os que máis sufrimos a diario este tipo de ataques e nunca se nos pasou pola cabeza dicir que era un partido político o que estaba detrás, aínda cando faltou unha condena expresa, explica Nidia Arévalo.  

• Os populares presentaron unha moción no que instan ao Goberno Provincial a iniciar por fin o diálogo cos traballadores e a buscar unha solución consensuada a este conflito.  

Nidia Arévalo, deputada provincial e voceira do Grupo Popular de Pontevedra

Infogauda / Pontevedra

 O Partido Popular de Pontevedra considera intolerables as inxurias proferidas polo vicepresidente da Deputación, César Mosquera, e nas próximas horas estudará tomar medidas legais contra o deputado nacionalista polas declaracións realizadas nas que acusou ao Partido Popular de ser o “único responsable das pintadas” que apareceron esta mañá en varios concellos da provincia.  

 “Desde o Partido Popular non só queremos condenar estes ataques, senón que nos solidarizamos ademais co deputado nacionalista, Uxío Benítez, pero cremos que Mosquera non pensa o que di cando acusa ao Partido Popular de estar de detrás de todo isto, polo que lle esiximos unha rectificación”, sinala a voceira popular Nidia Arévalo.   

 “Condenamos as pintadas, e calquera tipo de actos delictivos destas características, pero no Partido Popular somos por desgraza os que máis sufrimos a diario este tipo de ataques e nunca se nos pasou pola cabeza a ningún do PP dicir que era un partido político o que estaba detrás, incluso cando faltou unha condena expresa de algunha parte”, afirma Nidia Arévalo.   

 “Esperemos que este tipo de actos non se volvan a repetir, pero non é o PP senón o Goberno Provincial o que pode parar todo isto, porque son os que están supostamente gobernando. Aínda que máis que gobernando poderíamos dicir paralizando a Deputación de Pontevedra.  

 Está claro que para eles a culpa sempre é do PP, cando goberna e mais cando non, e este é un bo exemplo. Unha actitude lamentable dun goberno capaz de poñer en contra aos traballadores en meses e que agora en lugar de sentarse e falar con eles, escúdase en botarlle a culpa ao partido que está na oposición”, subliña a voceira popular.  

 Así difícilmente van arranxar nada. “Con chulería, prepotencia e botándolle por riba a culpa aos demais dos seus problemas -lamenta Arévalo-,  quen explica ademais que no pleno que se vai celebrar mañá vaise debater unha moción presentada hai uns días polo Partido Popular no que se insta ao Goberno a iniciar por fin o diálogo cos traballadores e a buscar unha solución consensuada a este conflito”.