A GUARDA

Ciclo de charlas “Manual de instrucións para educar” na Guarda  

O próximo martes, día 24 de maio, última cita na Casa dos Alonso ás 19,30 horas.  

Infogauda / A Guarda

 Finaliza o exitoso ciclo “Manual de instrucións para educar” organizado polo Programa de Educación Familiar e a OMIX do Concello da Guarda.  

 Nesta última ocasión o tema protagonista será “Do berce á adolescencia. Ferramentas útiles coas/os adolescentes”, tratarase temas como factores que poden afectarnos á hora de ver a adolescencia, cales son os ingredientes clave para chegar ó desenvolvemento dunha adolescencia sana, enfocarase este tema dunha maneira eficaz proporcionando ferramentas útiles que si funcionan.  

 Educar aos fillos e fillas é unha aprendizaxe diaria, polo que, estas charlas veñen achegando vías para resolver conflitos de forma construtiva, reforzando a comunicación e o diálogo como claves na relación entres nais e pais con fillos e fillas.   

 Esteban Figueirido, terapeuta familiar, conducirá por última vez esta charla, convidando aos participantes a interactuar e intercambiar experiencias para facelos encontros máis dinámicos e reais.   

 Ó finalizar a charla repartirase un práctico Manual co resumo das ponencias de Esteban para que todas e todos os asistentes poidan poñer en practica os coñecementos adquiridos e como agradecemento pola súa participación. 

 O Concello da Guarda convida unha vez máis a todos os pais e nais, educadores/as, avoas/ós e  a todos aqueles veciños e veciñas interesados na educación a participar nestas charlas e axudar a crear un espazo enriquecedor no que falar e contar experiencias propias.