A GUARDA

O CONCELLO RECIBE UNHA NOVA PARTIDA DE COMPOSTEIROS DE SOGAMA

Os beneficios do proceso de compostaxe, e por tanto da reciclaxe de materia orgánica, non son só ambientais senón que tamén son económicos e sociais

Na imaxe, un modelo de composteiro doméstico

Foto extraída da web de SOGAMA

Infogauda / A Guarda

 O Concello de A Guarda recibe unha nova partida de composteiros por parte de SOGAMA (Sociedade Galega do Medio Ambiente). Desta maneira o municipio poderá incrementar a participación do compostaxe por parte dos veciños.

 Os beneficios do proceso de compostaxe, e por tanto da reciclaxe de materia orgánica, non son só ambientais senón que tamén son económicos e sociais.

 A Guarda é un concello que participa nesta iniciativa dende o ano 2014. Dende o principio tivo unha acollida moi satisfactoria o que permitiu aos veciños da localidade producir un fertilizante natural para todo tipo de plantas, derivado dos seus propios residuos. Por esta razón, a Concellería de Servizos, continúa apostando polo compostaxe.

 Este tipo de composteiros utilizados son moi eficientes e ademais os seus procesos son libres de todo tipo de cheiros.

 Desde o Concello de A Guarda informan que "todas aquelas persoas interesadas nos composteiros poden facer a súa petición no propio concello. A partir dese momento se irán repartindo nos fogares por orde estrita de anotación".

 O concello recorda que para as grandes cantidades de sega e poda dos xardíns está a disposición de todos os veciños e veciñas un lugar adecuado no Punto Limpo.