A GUARDA

CLAUSURA DO CURSO DE ACOMPAÑANTE DE TRANSPORTE ESCOLAR 

Esta formación, que tivo unha duración de 40 horas, realizouse a través do programa provincial “Actívate”

O alcalde de A Guarda, Antonio Lomba Baz, a Concelleira e Deputada Provincial de Emprego Montserrat Magallanes Álvarez e o Concelleiro de Formación e Emprego, Manuel Javier Crespo González, xunto coas alumnas que fixeron o curso

Fotos. C.A.G.

Infogauda / A Guarda

 Esta mañá o alcalde de A Guarda, Antonio Lomba Baz, a concelleira e deputada provincial de Emprego, Montserrat Magallanes Álvarez e o concelleiro de Formación e Emprego, Manuel Javier Crespo González, clausuraron o curso de “Acompañante de Transporte Escolar” promovido pola Deputación de Pontevedra en colaboración có concello guardés.

 Esta formación, que tivo unha duración de 40 horas, realizouse a través do programa provincial “Actívate”.

 Na clausura, Montserrat Magallanes, quixo dar ánimos e apoio ós 24 alumnos do curso na busca activa de emprego.

Pola súa banda, o alcalde Antonio Lomba, afirmou que o Concello está traballando moito por e para a formación e agradeceu a boa resposta do alumnado. “Queremos pontenciar a creación deste tipo de cursos que axudan a mellorar os currículos”, dixo Lomba. E continuo: “Quero animarvos a que aproveitedes todas estas oportunidades”.

O alcalde de A Guarda, Antonio Lomba Baz, facendo entrega do correspondente diploma a unha alumna do curso

 Manuel Javier Crespo, aproveitou este acto para, ademais de dar os parabéns ós alumnos, informarlle sobre o programa de “Mentoring” e o “Laboratorio de Ideas” que comezarán no mes de outubro. “Quero animarvos a participar nestas iniciativas. Todas esas persoas que teñen unha idea, que teñen inquietudes... teñen cabida nestes programas”, dixo o concelleiro.

 Tras as súas palabras fíxose entrega dos diplomas ó alumnado.