A GUARDA

ÉXITO DE CONVOCATORIA DE “NOITES NO CASTELO” QUE REUNIU ARREDOR DE SETECENTAS PERSOAS

A Concelleira de Cultura, Elena Baz Rodríguez, debido a cantidade de xente que acudiu á Fortaleza de Santa Cruz, apostou por repetir o evento en vindeiros anos

A imaxe reflicte á magnífica resposta do público que acudiu a primeira edición das "Noites no Castelo"

Fotos: C. A. G.

Infogauda / A Guarda

 O evento có que o Concello de A Guarda decidiu pechar as actividades de verán, “Noites no Castelo” reuniu arredor de setecentas persoas no interior da Fortaleza de Santa Cruz. Esta actividade estivo promovida tanto pola Concellería de Cultura, coma pola de Turismo e a de Patrimonio.

 Esta velada, na que estaba programada a proxección da película galega “A Esmorga”, un coloquio con un dos actores protagonistas do filme, Antonio Durán “Morris” e o director da película, Ignacio Vilar, e o concerto de “A Roda”, foi un “verdadeiro éxito”, tal e como o definiu a Concelleira de Cultura, Elena Baz.

Antonio Durán "Morris" e Ignacio Vilar, respondendo ás preguntas que algúns espectadores lles formularon o remate da proxección do filme "A Esmorga"

 O evento comezaba pasadas ás 20,30 horas, momento na que xa tódalas cadeiras estaban cheas e moitos dos veciños e veciñas decidiron buscar un oco polo céspede da fortaleza. O evento comezaba da man de Morris e Vilar, que quixeron presentar o filme e, de paso, recalcar que esta proxección era unha das más multitudinarias que fixeran polo que estaban “impresionados”.

 Tras as súas verbas comezou o filme. Durante case dúas horas na Fortaleza de Santa Cruz tan só se escoitaban as voces de O Cibrán, O Bocas e Milhomes. Os centenares de espectadores uníronse nun gran aplauso cando comezaron os títulos de crédito.

Elena Baz, Antonio Durán "Morris" e Ignacio Vilar

 De novo Morris e Vilar, acompañados da Concelleira de Cultura. Elena Baz, saíron a palestra para abrir un coloquio tras a visualización do filme. Algúns dos espectadores quixeron facer preguntas como se a chuvia era real ou como Karra Elejalde, actor vasco que da vida a O Bocas, falaba en galego. Os protagonistas contestaron a todas as dúbidas e comentaron que, ademais de haber chuvia ourensá verdadeira, tamén tiveran axuda dos bombeiros.

 Despois de recibir un agasallo de parte do Concello, Morris e Vilar despedíronse do público, agradecendo, unha vez máis a gran acollida que o filme tivera na Guarda.

 O grupo "A Roda" o comezo da súa actuación

 Ós poucos minutos comezaron os primeiros acordes das cancións de “A Roda”. Este grupo, con moitas décadas de traxectoria, fixeron cantar, bailar e saltar ó público que estaba moi animado. Con cancións populares e outras do seu novo disco “Outra volta de Roda”, o conxunto alongou a velada ata pasadas a unha da madrugada.

 Despois do bis e de despedirse do público, a Concelleira de Cultura, tamén quixo ter un detalle co grupo e entregoulles un agasallo de parte do Concello.

Aspecto que ofrecía o concerto do Grupo "A Roda", o pasado sábado na Fortaleza de Santa Cruz

 Co directo de “A Roda” pechouse unha velada que, tal coma dixo Elena Baz, foi “espectacular”. Debido a gran convocatoria de xente e o ben que resultou esta programación, a Concelleira non dubidou en anunciar ante os veciños de A Guarda, que traballarán para que os vindeiros anos poidan repetirse as “Noites no Castelo”.