TUI

O BNG-AA de Tui apoia e fai un chamamento á veciñanza  para que acuda á manifestación en defensa da área sanitaria de Vigo

BNG-AA de Tui

  O Novo Hospital de Vigo cuxo financiamento e xestión adxudicouse a unha Concesionaria Privada, incluíndo un novo copago, o párking de pago para usuarios e traballadores (cun custo de 12 € ó día), sen teren articulado un sistema de transporte público, en condicións de equidade, que sexa unha alternativa real ó uso do vehículo privado,deixou de ser centro de referencia en importantes servizos.

 O Novo hospital perde servicios de referencia de Oncoloxía Radioterápica, Ciruxía Torácica, Neurociruxía, Ciruxía Plástica, Ciruxía pediátrica, cardioloxía intervencionista (unidades de hemodinámica) e Ciruxía Cardíaca. A referencia destes servicios para o Área Norte de Pontevedra están agora no Complexo Hospitalario de Santiago. POVISA mantén a referencia de Ciruxía Maxilofacial, Nervio Periférico e Queimados.

  No área pérdese un total de 517 camas, xa que os recortes afectan tamén aos hospitais do Meixoeiro e Nicolás Pena .Estes recortes vulneran as condicións do contrato coa Concesionarias a administración, vulneraron a lexislación Estatal e Europea para favorecer aos novos donos privados do hospital e ocultar o endebedamento do Novo Hospital,

 Por outra banda, diante da paralización do traslado ao Novo Hospital de Vigo, e á espera de ter máis noticias que confirmen as circunstancias concretas agardamos que a Xerencia da EOXI tome conciencia dos problemas existentes e explique claramente, con absoluta transparencia, que está a pasar, e remate con actitudes intolerábeis nas condicións do traslado.

 Para denunciar o  atropelo sanitario e legal e  esixir o rescate do Centro polo Sistema Sanitario Público, a Plataforma e a Xunta de Persoal do CHUVI convocan unha gran manifestación para o próximo día 3 de setembro,en Vigo, ás 20 horas dende o Hospital Xeral.

 Así pois, dende o BNG-AA de Tui defendemos unha área sanitaria pública con tódolos servizos e recursos para dar resposta ás necesidades na nosa área. Por iso apoiamos e participamos na manifestación convocada pola Xunta de Persoal do SERGAS e a Plataforma SOS Sanidade Pública.

CONVOCAMOS A TODA A VECIÑANZA A ASISTIRES Á MANIFESTACIÓN DO XOVES DÍA 3 DE SETEMBRO ÁS 20:00 DENDE O HOSPITAL XERAL DE VIGO.

RESERVA A TÚA PRAZA DE BUS NO TLF 620561594 ou no 616090632 (cun custo de 5€). Sae ás 18:50h da Alameda de A Guarda, con parada en Areas e Guillarei.

(R.)