A GUARDA

CONVERXENCIA GALEGA MANTIVO UNHA REUNIÓN DE TRABALLO CON ACIGU

A delegación de Converxencia Galega, en A Guarda expresou súa determinación de "(...) asumi-lo compromiso de aunar esforzos para que despois de 20 anos da eterna promesa electoral, intentar que sexa realidade o proxecto do Parque Industrial A Guarda-O Rosal, implicando a tódolos sectores da vida comercial, industrial e política do Baixo Miño".

Carmen García Braga, presidenta de ACIGU, e o xerente desta entidade, reuníronse con catro dos candidatos de Converxencia Galega, de A Guarda 

Infogauda / A Guarda

 O pasado día 29 de abril, na sede social de ACIGU, tivo lugar unha xuntanza de traballo entre a Presidenta desta asociación, Carmen García Braga, acompañada do seu xerente, José D’Aldea, e varios membros da candidatura de Converxencia Galega o Concello de A Guarda: Celso R. Fariñas, Beatriz Estévez, Xosé María Martínez Rodríguez "Chechu" e Josué Alvarez.

 Xosé María Martínez Rodríguez “Chechu”, Responsable Local de Converxencia Galega, en A Guarda, sintetizou para Infogauda o contido dese encontro: "Fíxose un repaso das distintas actuacións políticas e sociais destes derradeiros catro anos da lexislatura, que está a piques de rematar, e donde queda pendente por arranxar, entre outras moitas cousas, a proposta na que coincidimos sobre a variación da Taxa Municipal de Abastecemento de Auga, para que sexa unha realidade a tarifa polo consumo real existente para o pequeño comercio e as familias, que podería conlevar un aforro de máis do 15% anual.

 Tamén se plantexou a delicada situación económico-laboral, da precaria situación do pequeño comercio local, e da ausencia dunha política municipal seria de colaboura nesta materia.

 Falouse igualmente da unidade de acción a iniciativa plantexada por Converxencia Galega, conseguíndose que se conxelaran dende novembro do 2012, os Impostos Municipais, e deste xeito non incrementar a presión fiscal na localidade.

 Xosé María Martínez Rodríguez “Chechu” afirmou igualmente: "Tamén se fixo unha exposición dunha serie de iniciativas cara a próxima lexislatura, destacando o Plan de Reactivación do Comercio Local que será consensuado cos comerciantes, pois tal e como están as cousas, hoxe é un dos poucos sectores que é capaz de xerar emprego e polo tanto é un dos que máis necesita maior atención. Dentro do citado Plan hai que establecer bonificacións nos impostos municipais para as empresas que xeneren creación de postos de traballo (...)".

 A delegación de Converxencia Galega, en A Guarda expresoulle á presidenta e o xerente de ACIGU súa determinación de "(...) asumi-lo compromiso de aunar esforzos para que despois de 20 anos da eterna promesa electoral, intentar que sexa realidade o proxecto do Parque Industrial A Guarda-O Rosal, implicando a tódolos sectores da vida comercial, industrial e política do Baixo Miño".

 Asemade, en decraracións a este xornal dixital Xosé María Martínez Rodríguez “Chechu”, afirmou: "As mulleres e homes de Converxencia Galega consideramos que trala crise sufrida durante estes anos, pódese saca-la conclusión da perda de peso en tódolos eidos de A Guarda, en referencia do resto do Baixo Miño", e que "(...) así mesmo se sinte o gran pesimismo e apatía social, do desencanto, e ca cifra de cerca de 1000 parados e unha gran morea de xóvenes que se ven obrigados a emigrar, facendo que as veces a sociedade guardesa semelle un pobo fantasma, valeiro e sin ilusión e esperanza, polo que é preciso a unidade de acción na busqueda dún futuro para todos e que ten que vir co esforzo de todos".