OIA

TRIBUNA ABERTA

HAI ALGUEN QUE NON RESPECTA O TRABALLO ALTRUISTA DOS DEMAIS

Manuel Ángel Pombal Diego / Oia

 Por desgraza parece que abundan as persoas que gozan desfacendo o que fan os demais, xente impresentable e incualificable que se ri do traballo dos demais, neste caso concreto do traballo desenvolvido por uns 20 voluntarios o pasado domingo na costa de Oia baixo a coordinación de ANABAM. Retiráronse máis de 55 sacos de lixo da costa e uns 13 deses sacos quedaron á beira da estrada vella na zona de Xilias para seren retirados por operarios do concello de Oia. Pois ben, onte puiden comprobar como 3 ou 4 sacos foran baleirados e roubados (penso que esa é a causa). Hoxe, acabo de pasar polo mesmo sitio e comprobei que tan só quedan 4 ou 5 sacos cheos; todos os demais foron baleirados e roubados. Incrible que isto aconteza en pleno século XXI. En fin, .... Imaxino que sexa quen sexa, seguirá baleirando e roubando todos os sacos que quedan (e ríndose do traballo feito por un grupo de voluntarios vidos de Tui, Tomiño, A Guarda, O Rosal, Oia, Vigo e Cangas). Pois que lle cunda!!  

 Deixo dúas fotos, unha de onte, con varios sacos baleirados e outra de hoxe. Menuda desfeita por roubar uns sacos de rafia!!