A GUARDA

Xornada solidaria coa III edición do Encontro Anarquista do Libro en A Guarda

Sábado 11 de abril, a patir das 20 horas, no C. S. Fuscalho

Da Vid / A Guarda

O sábado 11 de abril poderedes disfrutar, no C. S. Fuscalho, dunha xornada solidaria coa III edición do Encontro Anarquista do Libro en A Guarda (24, 25 e 26 de abril), dita xornada comezará a partir das 20 horas coa proxección do documental “Ciutat Morta” para despois continuar cunha cea vegana e posterior concerto con “PathetikSS” e “Murdock’s Murder”. 

 Agardamos que sexa do voso interese e que axude a facer menos longo o tempo de espera para esta III edición do encontro. Desculparnos tamén polo retraso coa programación debido a uns imprevistos de última hora, en breves publicaremola para maior información e difusión.  

Proxección/Coloquio: CIUTAT MORTA  

En xuño de 2013, un grupo de 800 persoas ocupan un cine abandonado no centro de Barcelona para proxectar un documental. Rebautizan o antigo edificio en honor a unha moza que se suicidou dous anos antes: Cinema Patricia Heras. ¿Quen era Patricia? ¿Por que se quitou a vida e que ten qué ver Barcelona coa súa morte? Isto é exactamente o que se quere dar a coñecer con esta acción ilegal e de grande impacto mediático: que todo o mundo saiba a verdade sobre un dos peores casos de corrupción policial en Barcelona, a cidade morta.

Para máis información premer eiquí.

Cea vegana + Concerto:  

PathetikSS:  

Dende o Baixo Minho amosando o que eles chaman Ruido Terrorista.

Murdock’s Murder:  

Veñen dende Coia a demostrar que os macarras tamén teñen un lado sensible.

 Os cartos recadados destinaranse para axudar a sufragalos custos de organización do Encontro Anarquista do Libro.