A GUARDA

CONVERXENCIA GALEGA RECRAMA Á REPARACIÓN URXENTE DAS LOSETAS DE BEIRARRÚAS QUE ESTÁN DESPEGADAS

Infogauda/ A Guarda

 Deseguido reproducimos o contido da comunicación que Xosé María Martínez Rodríguez “Chechu”, Portavoz Local  de Converxencia Galega ven de presentar no rexistro municipal de entradas do Concello de A Guarda, e na que di o seguinte:

¡¡REPARACION URXENTE!! 

 Fai poucos días, cando saíamos de mercar o alimento básico por excelencia, do expendio ubicado na rúa Puerto Rico, fomos parados por unha veciña, que nos solicitou que presentáramos un escrito no Concello, dando a queixa sobre os “baños” que reciben cada vez que chove e acuden a buscar dita panadeiría, xa que teñen a beira do poste de iluminación unha baldosa despegada que está o fronte deste negocio, e cada vez que se despistan, levan unha “chapa” que fai que recorden as “máximas autoridades” e nalgúns casos, a familiares en primeira xeneración.

 Nos dixo esta veciña que fai bastante tempo, “varias afectadas” acudiron o Concello a dar a queixa, recibindo moi boas palabras pero o problema sigue tal cual.

 Íbamos acompañar unhas fotos deste tema, pero como non se reflexa a auga que salpica, preferimos facer somentes o escrito.

 Dende Converxencia Galega vimos a solicitar aos “xubilados” que marchan despois das vindeiras eleccións, que denantes da súa gloriosa despedida, impartan as órdenes oportunas a fin de que se proceda da maneira máis urxente a arranxar este problema que o único que precisa e que de tea a vontade de facelo e un puñado de cemento.

A Guarda, a 20 de Febreiro do 2.015

Xosé María Martínez Rodríguez “Chechu”

Portavoz Local  de Converxencia Galega

Sr. Alcalde-Presidente

Sr. Concelleiro de Vías e Obras

Concello de A Guarda


Nota da redacción de Infogauda

CONVIDAMOS A QUE ÁS EMINENCIAS DO CHAMADO GRUPO DE GOBERNO DE A GUARDA CAMIÑEN A COTÍO POLAS RÚAS DO TERMO MUNICIPAL

 Está visto e comprobado que algúns representantes públicos, camiñan moi pouco polas rúas e camiños do termo municipal, e cando o fan, buscan única e exclusivamente sair na foto, polo que súa presenza é meramente testemuñal e interesada, como aconteceu o pasado Martes de Entroido. 

 Para comprobar o estado dos bens municipais, sería aconsellable que súas eminencias, andivesen a cotío, como o común dos cidadáns, para comprobar motu propio o que moitos veciños e visitantes teñen que aturar día a día, sen que en moitas ocasions, se albisque unha solución, por moi doada que ésta sexa. 

 Para mostra poñamos somentes un botón: As baldosas ou losetas das beirarrúas, que cando están despegadas ou rotas, e cando chove ou hai auga no chán - como por exemplo fronte a Praza de Abastos -, "sacuden" unha mestura lixenta de auga suxa e "outros ingredintes", en todo caso noxentos, que se proxectan nas extremidades inferiores dos viandantes, causando o lóxico malestar dos mesmos.

 Exemplos do que indicamos no parágrafo anterior hainos dabondo no casco urbán da vila. E podemos demostra-lo cando súas ilustrísimas queiran. 

  Vergoña lles debería dar ter o pobo como o teñen!