DEPORTES

OS TEIXUGOS GAÑAN A 2ª COMPETICIÓN DA LIGA GALEGA DE SLÁLOM OLÍMPICO 

                                                                             Foto: Rosa Fernández Carrera

Rosa Fernández Carrera / Mondariz Balneario

  Ao longo da mañá do domingo 23 de marzo tivo lugar en Mondariz Balneario a segunda competición da Liga Galega de Slálom. 

  O Club Deportivo Miño inscribiu a dez piragüistas, dos cales cinco participaron nas categorías de kaiak e canoa, acudindo por tanto Os Teixugos con quince participacións neste campionato. 

 Acadáronse cinco medallas de ouro: Brais Castro en C1 cadete, Manuel Ochoa en K1 cadete, Clara González en C1 cadete, Sara Vázquez en K1 Júnior  e Guillermo Martínez en K1 sénior. Tres de prata: Brais Castro en K1 cadete, Andrea González en K1 júnior e Laura Alonso en C1 sénior. E finalmente tres de bronce: Laura Soutelo en K1 cadete, Manuel Ochoa en C1 cadete e Laura Alonso en K1 júnior. 

 Na clasificación final por equipos o Club Deportivo Miño quedou primeiro con 247 puntos, en segundo lugar quedou o Club Tea de Mondariz con 155 puntos e en terceiro lugar o Piragüismo Penedo con 97 puntos. 

  A vindeira cita será os días 5 e 6 de abril en Padrón onde se celebrará a 2ª Competición da Copa de España.

   GALERÍA DE IMAXES