As bases sairán publicadas no Boletín Oficial da
Provincia e os concellos disporán de 30 días hábiles para presentar solicitudes
O pleno da Deputación de Pontevedra aprobou esta
mañá, cos votos favorables de PP e PSOE e a abstención do BNG, o plan urxente
de mantemento de servizos e infraestruturas municipais.
Con este plan, a Administración provincial
pretende que os concellos poidan, entre outras actuacións, afrontar os
cuantiosos danos que os sucesivos temporais e borrascas ocasionaron nas
infraestruturas municipais.
Con este obxectivo, a Deputación destina 15
millóns de euros a os concellos de entre 1.000 e 50.000 habitantes, que deberán presentar as súas solicitudes no
prazo de 30 días hábiles contados a partir da publicación das bases no Boletín
Oficial da Provincia, prevista para a vindeira semana.
Os concellos deberán presentar xunto coa
solicitude o proxecto ou proxectos que pretenden levar a cabo e para os que
demandan o apoio da Deputación e, co obxectivo de axilizar o máximo posible as
actuacións, serán os propios municipios os que se encarguen da contratación dos
traballos.
Estes investimentos súmanse ao plan de emprego
que a Deputación xa puxo en marcha e que lle vai permitir aos municipios contar
tamén cuns 800 operarios para a realización de traballos urxentes en espazos
públicos e para a prestación de servizos prioritarios.
Ningún comentario:
Publicar un comentario