A Deputación aprobou esta mañá o expediente de
contratación
A DEPUTACIÓN SACA A LICITACIÓN A URBANIZACIÓN DA RÚA CAL E DA TRAVESÍA
CANAL, EN A GUARDA, POR UN IMPORTE DE 106.538,51 EUROS
A Xunta de Goberno aprobou esta mañá o expediente
de contratación das obras de urbanización da Rúa Cal e da Travesía Canal, no
concello de A Guarda, nas que a Deputación investirá 106.538,51 euros.
Na rúa Cal está previsto pavimentar un novo treito desta
rúa, concretamente no seu entronque coa circunvalación, dotándoa de lousas de
granito abuxardado, de características similares ao xa existente no resto da
rúa.
Pola súa banda, na Travesía Canal realizaranse traballos
de urbanización, adecuando os servizos de saneamento, abastecemento e
iluminación e tamén se actuará na pavimentación, mantendo o centro da calzada
en granito, pero substituindo os panos laterais por unha soleira de formigón
apto para o tránsito rodado.
En canto á rede de saneamento desta rúa, substituirase o
actual sistema de recollida conxunta de pluviais e fecais, por un sistema
separativo. Isto implicará cambiar a actual canalización única por dúas novas
redes en PVC.
Así mesmo, substitúese a canalización da rede de alumeado
público e instalaranse diversas luminarias.
Ningún comentario:
Publicar un comentario