A DEPUTACIÓN DESTINA 112.000 EUROS A OBRAS DE ABASTECEMENTO NO CONCELLO DE O ROSAL
O Boletín Oficial da Provincia publicou onte a
convocatoria do procedemento aberto para a contratación dos traballos
·
As obras consistirán na
mellora do depósito de Martín
·
As empresas interesadas en
executar estas obras poderán presentar as súas ofertas ata o 3 de marzo
O Boletín Oficial da Provincia publica onte a
convocatoria do procedemento aberto para a contratación das obras de mellora do
depósito municipal de augas de Martín, no concello de O Rosal, que contan cun
orzamento de 112.244,83 euros e un prazo de execución de 3 meses.
As empresas interesadas en executar estas obras poderán
presentar as súas ofertas ata o vindeiro 3 de marzo.
As obras están orientadas a corrixir estes danos e
mellorar o rendemento do depósito e as súas condicións de salubridade.
O depósito, que ten unha capacidade de máis de 1.600
metros cúbicos e dá servizo aos veciños de Martín, presenta gretas e falta de
impermeabilización na cuberta, polo que se producen filtracións ao interior e
danos en vigas e piares; así mesmo, presenta fisuras nas paredes exteriores e
desprendemento do material de revestimento interior, ocasionándose perdas de
auga e problemas de salubridade polo mal estado interno do depósito, que tamén
ten deficiencias no solado.
Os traballos consistirán na demolición do forxado da
cuberta e á construción dunha nova, a base de lousa oca prefabricada de
formigón, que se colocará sobre os piares existentes reforzados e sobre novas
vigas prefabricadas.
Tamén se procederá á limpeza de parámetros verticais
exteriores, nos que se aplicará adhesivo epoxi, colocaranse grampas para pechar
as fisuras e selaranse.
Os paramentos interiores limparanse con chorro de auga a
presión e posteriormente aplicaráselle un tratamento impermeabilizante.
Finalmente, dotarase dunha solera con pendente e arqueta
de recollida para facilitar as labores de limpeza.
Ningún comentario:
Publicar un comentario