O ROSAL

O BNG do Rosal considera inmoral que se lle cobre polo servizo de axuda ao fogar a familias cun salario de 427 euros mensuais

“A modificación vai facer que familias con rendas moi baixas, teñan que realizar o copago do servizo. É moi inxusto” di Alberte Alonso Pereira

Infogauda / O Rosal

O BNG do Rosal considera inmoral a modificación da ordenanza fiscal do servizo de axuda no fogar, que foi aprobada polo PP no último pleno.

Os nacionalistas mostraron súa perplexidade pola modificación aprobada, na que as familias cuns ingresos mensuais superiores aos 426 euros, terán que aportar parte do custe do servizo. Lembran que na ordenanza vixente ata o de agora, o mínimo de ingresos para aportar era o valor do Indicador Público de Renta de Efectos Múltiples (IPREM), e dicir, 532,51 euros.

O voceiro nacionalista, Alberte Alonso Pereira, indica que a modificación aprobada polo PP, vai facer que haxa menos persoas con opción de quedar exentas de pagar polo servizo e amplía cara a baixo o rango de ingresos, facendo que para optar a este servizo, teñan que pagar persoas con rendas moi baixas.