10 de out. de 2013

BAIXO MIÑO

5 CONCELLOS DA COMARCA DE BAIXO MIÑO SE BENEFICIARÁN DAS ACTIVIDADES FORMATIVAS DO PROGRAMA ACTÍVATE DA DEPUTACIÓN
·       O plan conta cun orzamento de 102.200 euros  e ofrecerá oportunidades de formación en diferentes ámbitos
Un total de 1.174 mozos e mozas de entre 16 e 35 anos de 45 concellos, se beneficiarán das actividades formativas do programa Actívate 2013 posto en marcha pola Deputación de Pontevedra, 6 cursos en 5 concellos da comarca do Baixo Miño.
O plan conta cun orzamento de 102.200 euros, co que se pretende ofrecerlle á xuventude oportunidades de formación en ámbitos que resultan do seu interese e que poden contribuír a mellorar a súa capacitación, fomentar relacións de cooperación e xerar novos modos de ocupación do lecer.
Os beneficiados son concellos de menos de 15.000 habitantes e as actividades formativas contan cunha duración máxima de 40 horas e abarcan áreas como as novas tecnoloxías, a agricultura, a artesanía en papel, vidro e outros materiais, as actividades artísticas, reparacións domésticas, bricolaxe, cociña ou servizos ás persoas, entre outros. As accións formativas contarán cunha parte eminentemente práctica, para garantir unha mellor aprendizaxe.
BAIXO MIÑO
·       A Guarda: Aplicacións de técnicas de seguridade e primeiros auxilios
·       Rosal: Conservación de alimentos, conservas artesanais
·       Oia: Conservación de alimentos, conservas artesanais
·       Tomiño: Aplicación de técnicas de seguridade e primeiros auxilios
·       Tui: Aplicación de técnicas de seguridade e primeiros auxilios

-Coidados básicos para persoas maiores

Ningún comentario:

Publicar un comentario