OIA

82 aniversario da declaración do conxunto monacal de Santa María de Oia como monumento histórico-artístico de interese nacional (Xuño de 1931)

         ACAMO / Oia

                     

            Outro ano mais, (o terceiro consecutivo) a Asociación Cultural Amigos do Mosteiro de Oia (ACAMO), celebra  a efemérides da declaración de 1931, do conxunto monacal de Santa María de Oia, como monumento histórico-artístico de interese nacional. O conxunto monacal de Oia é o resultado de diferentes obras comenzadas a finais do século XII.

-          Dado que o mesmo ano de 1931 cando se declaraba bén de interese nacional o Monasterio, facíase tamén co castro de Santa Trega, as  actividades deste ano contemplan a realización dunha andaina  dende A Guarda ata Oia o día 22 de xuño, en colaboración co Concello da Guarda, cubrindo unha etapa do camiño de Santiago, nun intento de publicitar, e revindicar esta vía xacobea  pola costa que ten o seu paso por Oia, e ao conxunto monacal como un dos seus monumentos mais relevantes. A marcha saira da Alameda da Guarda as 9,30 da mañán do sábado 22 de xuño. Saída e chegada a Guarda. Quen finalice en Oia retornará á Guarda polos seus propios medios. No percorrido visitaranse as ermidas da Guía en A Guarda e San Xián en O Rosal.

-          En colaboración coa empresa Residencial Santa Mª de Oia, propietaria das dependencias monacais, procederase a abrir o mosteiro entre as 16, 30 h e as 20,30 h do sábado 22 de xuño. Así mesmo en colaboración coa parroquia de Santa Mª de Oia, abrirase a igrexa.

-          Os visitantes poderán circular libremente polo interior do espazo monacal nas áreas autorizadas, contando co asesoramento dos  colaboradores da Asociación Amigos do Mosteiro de Oia organizadora do evento. O precio do acceso será de 2 euros por persoa.

-          Para os que desexen unha información detallada da evolución histórica do conxunto, ofrécese a posibilidade de sumarse ás visitas guiadas que se realizarán ás 17,00 e ás 19,00 horas, sen incremento do prezo de acceso. Nese caso agradecemos que utilizasen o correo acamo.oia@gmail.com para comunicalo.

            A Asociación Cultural Amigos do Mosteiro de Oia con estas actividades pretende seguir  chamando a atención sobre a preocupante situación do conxunto, e coa recaudación do custo da entrada, continuar a actividade iniciada fai tres anos, de frenar no posible o deterioro que afecta á igrexa, e ó seu patrimonio. Así no último ano, restauráronse 4 candelabros, e unha cruz de culto, repuxéronse dúas ventás, e coa colaboración da Deputación Provincial restaurouse unha talla de San Xosé de 1700.

           

            Na actualidade  en colaboración coa Escola Superior de Conservación, e Restauración de Bens de Interese Cultural de Galicia, está en marcha o estudo, e recuperación dun retablo de principios do século XVIII. Como obxetivos inmediatos  preténdese seguir sustituíndo as ventanas rotas da igrexa, para mellorar as condicións ambientais do seu interior, e evitar o deterioro do patrimonio moble; a restauración dunha talla medieval de San Antonio, e iluminar as capelas do cruceiro, o que mellorará as condicións tanto para o culto como para a contemplación do edificio, auténtica xoia da arquitectura cisterciense.

A Asociación Amigos dol Mosteiro de Oia quere agradecer o apoio de todas as persoas, Institucións, e medios de comunicación que comparten, e colaboran con nos nestas iniciativas en defensa do noso patrimonio histórico.

Para mais información contactar con:  acamo.oia@gmail.com, ou no Facebook : Acamo Oia.

Visite a nosa web: www.acamo.es