HOXE CELÉBRASE A CUARTA "CHOURICIÑA"
Manuel Ángel Pombal Diego / Pedornes
Este sábado día 5 de xaneiro, tal e como era tradición, a Asociación de
Veciños “A Muruxeira” de Pedornes-Oia organiza a cuarta “chouriciña” a partir
das 18.30 h no Centro Cultural da Parroquia de Pedornes, no Concello de Oia.
Para combater o frío haberá bos chourizos asados, ademais de bocadillos de
bisté, viño, refrescos, etc. a prezos populares para todo o mundo, e sobre todo
moitas ganas de pasarllo ben.
O evento contará coa animación da charanga “A
Muruxeira” de Pedornes. Os socios da citada Asociación teñen dereito a un
bocadillo de chourizo e unha consumición gratis (calquera veciño do Concello de
Oia pode facerse socio por 10 euros ao ano).
Esta é unha máis das variadas
actividades que a Asociación de Veciños vén desenvolvendo desde a súa creación
a mediados do ano 2004, co fin de dinamizar a Parroquia de Pedornes.
Ningún comentario:
Publicar un comentario