Seminario
“Cooperación Transfronteiriza no Alto Minho 2014-2020: Instrumentos e Accións
Prioritarias”
Infogauda / Valença
A Comunidade Intermunicipal do Minho-Lima (CIM Alto
Minho), en colaboración coa entidade UNIMINHO - Asociación do Vale do Minho Transfronteirizo, promove o
próximo dia 13 de decembro de 2012, a
partir das 14h30, no auditorio da Cámara Municipal de Valença, o seminario “Cooperación Transfronteiriza no
Alto Minho 2014-2020: Instrumentos e Accións Prioritarias”.
Este seminario inscríbese no estudo “Concreción e
Planeamento de Proxectos de Cooperación Transfronteiriza” que Uniminho está a
desenvolver, establecendo redes transfronteirizas para a promoción de unha
visión conxunta sobre as prioridades de cooperación transfronteiriza no Alto
Minho, a través dun plano de acción que posibilite a preparación do próximo
período de programación.
A sesión de apertura do seminario estará a cargo de Jorge
Mendes, presidente da Câmara Municipal de Valença; Rui Solheiro, presidente do
Consello Executivo da CIM Alto Minho; Rafael Abal, presidente do Consello Directivo
de UNIMINHO; e Manuel Baltar, presidente da Deputación de Ourense.
Jesús Gamallo, director Xeral de Relacións Exteriores e
coa Unión Europea da Xunta de Galicia; Carlos Neves, vice-presidente da CCDR-N;
Juan Lirón, director do AECT Galicia-Norte de Portugal; e Wladimir Brito, da
Universidade do Minho; son os oradores convidados para o primeiro panel sobre “A
Cooperación Transfronteiriza no período 2014-2020: Tendencias e Perspectivas”, que
será orientado por Maria Cerqueira, xornalista da RTP.
Seguidamente celebrarase unha mesa redonda, subordinada
ao tema “Perspectivas para a Cooperación Transfronteiriza no Alto Minho
2014-2020”, onde serán presentadas as principais conclusións das reunións de
traballo realizadas por temas prioritarios de cooperación transfronteiriza
2014-2020 (“Eurorrexión Dixital”, “Clusters Transfronteirizos”, “Turismo,
Ambiente e Territorio” e “Cualificación, Emprego e Inclusión Social”). Moderada
por Adolfo Neira, especialista en proxectos de cooperación transfronteiriza, contará
coas intervencións de Xavier Martín, presidente da DST Telecom; Paulo Alves,
xestor das Industrias Creativas INSERRALVES; Juan Lirón; e Elvira Vieira,
profesora do Instituto Superior de Administración e Xestión (ISAG).
A sesión de peche será presidida por José María Costa,
presidente do Eixo Atlántico.
As inscricións para o seminario deberán ser realizadas a
través da web da CIM Alto Minho.
.jpeg)
Ningún comentario:
Publicar un comentario