VAL MIÑOR

• "Habemus convocatoria": a Xunta Veciñal de Morgadáns volverá a reunirse despois de oito meses.
• As Xemínidas, un espectáculo astronómico para gozar a partir desta madrugada.
• Para UCN-CDL o actual proxecto do PXOM que tramita o goberno de Nigrán "acabará no caixón dos recordos".
• O Concello de Nigrán abre inscrición para un campamento infantil durante o Nadal.
• A comisión de festexos fai un chamado aos veciños de Gondomar para integrar o elenco do "Nacemento vivente" neste Nadal.
• O Comando Le desenvolveu xogos e lecturas sobre diversidade cultural na Casa da Lectura de Donas.
• O BNG organiza unha charla sobre os 10 anos da catástrofe do Prestige no Centro Neural de Gondomar.
• Espazo Lectura rende homenaxe ao poeta Celso Emilio cun recitado público no Café Rañolas de Gondomar.

"Habemus convocatoria": a Xunta Veciñal de Morgadáns volverá a reunirse despois de oito meses. Posted: 11 Dec 2012 05:01 PM PST -A presidencia deixa fóra o tratamento das contas da parroquia e o orzamento para o 2013. -O vogal Xaime Luxilde renunciará como representante do BNG en Morgadáns tras o seu pasaxe a ANOVA. -Urbano Esmerode informará dunha alegación feita pola Entidade contra a instalación do parque eólico na Serra do Galiñeiro. -Luxilde presentará un proxecto para recuperar a canteira de Vilas. -A xuntanza terá lugar este xoves 13 de decembro ás 19:30 horas no local da Entidade.

As Xemínidas, un espectáculo astronómico para gozar a partir desta madrugada. Posted: 11 Dec 2012 05:23 PM PST A pesar de que a fama dentro do mundo das choivas de estrelas adoitana levar ano tras ano as populares Perseidas de mediados de agosto, as Xemínidas son para moitas persoas familiarizadas coa observación astronómica, sen dúbida a mellor choiva do ano. Pero claro está, as noites de inverno xogan na súa contra polo frío, as menores posibilidades de ceos despexados e por que non dicilo, a maior densidade de novas que os medios de comunicación teñen que atender en inverno, o cal provoca que en ocasións as Xemínidas pasen sen pena nin gloria no que ao mediático se refire.

Para UCN-CDL o actual proxecto do PXOM que tramita o goberno de Nigrán "acabará no caixón dos recordos". Posted: 11 Dec 2012 03:28 PM PST -O portavoz Fernández Comesaña cuestiona a viabilidade técnica e económica do Plan Xeral de Ordenamento Municipal (PXOM) de Nigrán que prevé un 76% da súa financiación entre a Xunta e o Estado "sen que estea avalado por ningún compromiso firme de ambas as dúas administracións". -UCN-CDL denuncia a expropiación de 200 mil m2 en Parada e Panxón no novo PXOM de Nigrán. -Agrega que o PXOM está baseado nunha cartografía "antiga e sen actualizar, que non recolle a realidade do municipio"

O Concello de Nigrán abre inscrición para un campamento infantil durante o Nadal. Posted: 11 Dec 2012 04:12 PM PST A concellaría de Patrimonio, Mocidade e Igualdade, a través do CIM de Nigrán abre inscricións para un campamento de Nadal para nenos de entre 3 e 12 anos. O campamento celebrarase entre o 24 de decembro e 7 de xaneiro (fins de semana e festivos non incluídos), de 9.00 a 14.00 horas, nas que os participantes realizarán diversos talleres relacionados co Nadal e as festas.

A comisión de festexos fai un chamado aos veciños de Gondomar para integrar o elenco do "Nacemento vivente" neste Nadal. Posted: 11 Dec 2012 03:56 PM PST A concellaría de Cultura de Gondomar e a Asociación de Mulleres Rurais San Benito están a preparar dende o pasado luns 10 de decembro, o tradicional "Nacemento vivente" que en cada Nadal ponse en escena na Praza da Paradela. Por tal motivo fan un chamado aos veciños do municipio a integrarse aos ensaios que se están a desenvolver tódolos días a partir das 16 horas fronte ao Concello.

O Comando Le desenvolveu xogos e lecturas sobre diversidade cultural na Casa da Lectura de Donas. Posted: 11 Dec 2012 03:44 PM PST Este mércores 13 ás 18:30 horas a Casa da Lectura (Donas) recibiu a visita de Eva, Noa e Anahí, tres rapazas do Comando Le (Espazo Lectura) que fixeron unha sesión de dinamización lectora para os máis pequenos arredor do tema que están a traballar este trimestre: os Dereitos Humanos.

O BNG organiza unha charla sobre os 10 anos da catástrofe do Prestige no Centro Neural de Gondomar. Posted: 11 Dec 2012 03:03 PM PST O BNG organiza unha charla sobre a catástrofe do Prestige baixo o título de "Impunidade Nunca Máis", revisando o que aconteceu hai dez anos e a situación actual, no momento en que se está a desenvolver o xuízo pola catástrofe.

Espazo Lectura rende homenaxe ao poeta Celso Emilio cun recitado público no Café Rañolas de Gondomar. Posted: 11 Dec 2012 02:36 PM PST A Asociación Espazo Lectura convidou aos veciños a participar do acto colectivo RecitandocelsoemiliO, que tivo lugar este mércores 12 de decembro ás 12 horas no Café Rañolas de Gondomar. A actividade consistiu nun recitado público do poema Deitado fronte ao mar, do escritor Celso Emilio Ferreiro, no centenario do seu nacemento.