EMILIO ROLÁN PRESENTARÁ O SEU NOVO LIBRO
NO LOCAL DE ANABAM
Incansable, activo, como sempre foi, Emilio Rolán Mosquera, socio de ANABAM, experto mundial en Malacoloxía, rama que estudia as cunchas mariñas, investigador, médico pediatra, doutor en Bioloxía..., estará no vindeiro mes de xaneiro, concretamente o venres 18 ás sete da tarde, no noso local para presentar o seu último libro no científico que leva por título "Volviendo al pasado", unha continuación de "Antes y ahora" que tamén tivemos a honra de presentar hai uns anos.
Nesta nova entrega, Rolán segue a lembrarnos como eran os tempos na súa época de chaval. Lectura amena, agradable. É este un libro que el escribe pensando, en primeiro lugar, nos seus netos e despois no público en xeral, nos que xa temos unha certa idade e, ten esperanzas, que tamén os adolescentes lle boten unha ollada.
Parte dos beneficios que produza esta nova publicación os dona a ANABAM, polo que dende aquí temos que agradecerlle, unha vez máis, esta xenerosidade.
Ningún comentario:
Publicar un comentario