O ROSAL

BEGOÑA ESTÉVEZ FAI ENTREGA DUNHA COLABORACIÓN DE 35.000 EUROS DA DEPUTACIÓN Ó CLUB DE BALONMÁN ATLÉTICO NOVÁS

Infogauda / Pontevedra

A deputada provincial, Begoña Estevez, entregou hoxe unha colaboración económica da Deputación por importe de 35.000 euros ó club Mecalia Atlético Novás. O presidente da entidade, Benedicto Sousa Álvarez foi o encargado de recoller esta subvención nun acto no que tamén estiveron presentes o deputado Pablo Baquero; e o alcalde de O Rosal.

Segundo explicou Estévez “trátase da colaboración nominativa que cada ano se lle entrega ós clubs para apoiar a súa actividade en función da súa categoría”. Con respecto ó Balomán Atlético Novás a deputada puxo de relevo que se trata dun equipo cunha ampla e consolidada traxectoria e que xoga na primeira categoría, en División de Honor.

Estévez recordou que a Deputación é a entidade que máis leva apoiado o deporte nos últimos anos. “Traballamos para mellorar as infraestruturas, para fomentar a canteira mediante as escolas deportivas e para apoiar aos Clubs con achegas económicas como as que entregamos hoxe”.