DEPORTES

A ASOCIACIÓN O BUXEIRO ORGANIZA O CONCURSO INTERNACIONAL DE PESCA XIII TROFEO FESTAS DO MONTE SANTA TREGA

- O concurso disputarase o domingo día 5 de agosto no tramo de litoral marítimo comprendido entre Punta dos Picos (Camposancos) e o dique de abrigo do porto de Baiona

Infogauda / A Guarda

A Asociación de Pescadores, Mariñeiros e Mariscadores non Profesionais O Buxeiro, da Guarda, organiza o Concurso Internacional de Pesca Deportiva XIII Trofeo Festas do Monte Santa Trega, que se disputará o domingo día 5 de agosto, desde Punta dos Picos (Camposancos) ata o dique de abrigo de Baiona.

O concurso - aberto a todos os participantes que o desexen e que deberán estar en posesión da correspondente licenza de pesca deportiva -, comezará ás 7:00 h., coa concentración dos organizadores e participantes, na chaira do porto da Guarda.

Previamente á data do concurso, as persoas interesadas deberán efectuar as correspondentes inscricións. Para iso haberán de contactar con José Luís Morais  Martínez (Chiño), chamando ao teléfono móbil 670 691 403, ou persoalmente no Bar O Pescador (Rúa Concepción Areal, 23) da Guarda, ou en Náutica Capitán Nemo, de Panxón.

A organización dispón de importantes agasallos e trofeos para premiar os mellores pescadores.

Os prezos das inscricións son os seguintes: 

Socios 8 euros.

Non socios: 15 euros.

Menores de 14 anos: gratis.