OURENSE

A OBRA DE PREGO DE OLIVER ESTARÁ ABERTA AO PÚBLICO

O Centro Cultural da Deputación acolleu a sinatura do acordo entre a familia Prego de Oliver a e Fundación Casdemiro (promovida polo falecido profesor Ogando Vázquez) pola que gran parte da obra do extraordinario pintor ourensán colgarase na nova sede desta fundación.
A vontade da familia Pr ego de Oliver é a de “ofrecer ao público en xeral a mellor obra do noso pai”, segundo declarou seu fillo, Manuel Prego, en representación dos seus irmáns.

A Fundación Casdemiro comprométese a custodiar esa obra e ofrecela ao público en xeral, nas mellores condicións posibles, tanto en materia de seguridade como de luminosidade.

O presidente da Deputación, como patrono da fundación, valorou a importancia deste acordo por tratarse dun dos pintores máis singulares e representativos da plástica ourensá así como a xenerosidade da familia Prego de Oliver e o seu desexo de difundir e promocionala obra do seu pai.

A Fundación Casdemiro abrirá a súa sede social nos vindeiros meses.