OURENSE

A DEPUTACIÓN DE OURENSE ORGANIZA UN CURSO SOBRE ADMINISTRACIÓN ELECTRÓNICA

A Deputación de Ourense, a través do seu Negociado de Formación, organiza desde hoxe e ata o vindeiro 4 de novembro uncurso sobre Administración Electrónica e Uso da Plataforma SIGEM.
O curso está dirixido a empregados públicos locais de todos os grupos de titulaci ón, especialmente C1 e C2, que deban realizar labores administrativos con mecanización informática; persoal da Administración Local que teña realizado algún curso de informática básica anteriormente e con coñecementos previos de Internet, e persoal das corporacións locais da provincia con coñecementos informáticos básicos e usuario de redes informáticas, en especial da rede internet.

Os obxectivos do curso son desenvolver as aptitudes aplicables á actividade profesional sobre o marco legal existente na Administración electrónica, para que poidan aplicar os medios electrónicos á xestión administrativa con plena seguridade xurídica, e estudar a normativa existente en materia de seguridade informática e Administración electrónica afondando na Lei 59/2003 de sinatura electrónica e na Lei de acceso electrónico dos cidadáns ás Administracións públicas.

A duración do curso é de 20 horas lectivas, e as datas de realización: do 25 de outubro ao 4 de novembro de 2010. O horario das clases é de 17:00 a 20:00 horas, de luns a xoves, e terá lugar nas aulas de Postal Escuela de Negocios. Rúa Reza, 3. Ourense.