OURENSE

ASUN ADÁ INAUGURA MAÑÁ A SÚA MOSTRA "O PROCESO DE CRECER"

Infogauda / Ourense

A creadora ourensá Asun Adá inaugura mañá, xoves, día 9 de setemebro, ás 20:15 horas, a súa exposición "O proceso de crecer", baixo a filosofía de que "todo é posible. Recoméndase soñar".

Na mostra que trae ao Centro Cultural da Deputación, a creadora natural do concello de San Cristovo de Cea tenta transformalas ilusións en creacións artísticas, pretendendo que "encontremo-la intimidade oculta que queremos ignorar".Un referente da súa obra é o dereito á liberdade da muller, do neno, do oprimido. A muller, o oprimido e asociedade son o punto de partida e de chegada desta artista que se expresa como mellor sabe, crecendo constantemente, independente ós parámetros marcados.