OURENSE

CURSO DE PERFECCIONAMENTO DE SALTO EN VILAMARÍN

Infogauda / Ourense

A Deputación convoca a realización dun curso de perfeccionamento de salto organizado pola Escola de Equitación de Vilamarín, dependente da Deputación, e que se realizará con cabalos anglo-árabes.

O curso será os días 17, 18, 19, 24, 25 e 26 de setembro en horario de 16:00 a 19:00 horas nos d ías de semana e para sábados e domingos de 10:00 a 14:00 e de 16:00 a 18:00 horas.

Dado que se trata dun curso de perfeccionamento, requírese que os interesados dispoñan xa dun certo nivel, esixindo nivel 4 de galope ou 5 de salto.Existen 15 prazas, subvencionadas ao cento por cento pola Asociación Española de Criadores de Cabalos Anglo-Árabes e o Ministerio de Agricultura.

Os interesados deberán remitir un fax solicitando a súa inclusión antes do día 10 de setembro ao número 988 385184. A selección será por rigoroso orde de solicitude.