PADRÓN

O CLUB DEPORTIVO MIÑO-TEIXUGOS LOGRA DÚAS MEDALLAS DE BRONCE NA 4ª COPA DE ESPAÑA DE SLALOM

Informa (Texto e imaxes): Rosa Fernández / Padrón

O pasado sábado 15 e domingo 16 celebrouse en Padrón a 4ª Copa de España de Slalom correspondente a V Liga de Slalom Olímpico.

Os Teixugos acudiron con nove palistas, dos cales clasificaronse para semifinais catro. Pasaron á final Laura Valcarcel en K1 xuvenil e Alejandro Ochoa en C1 xuvenil, rematando os dous en terceiro lugar, conseguindo por tanto dúas medallas de bronce. Tamén tiveron medalla os galegos Antía Loira, do Val Miñor, de ouro en K1 xuvenil e Mario Fontán, do C.P. Baiona e Marcos Fortes, do C.P. Penedo, de ouro e prata respectivamente, en C1 xuvenil.

O club dos Teixugos acudiu as tres competicións anteriores celebradas en Irún, Orthez (Francia) e na Seu d´Urgell sen conseguir medalla, pero colocando sempre ún ou dous palistas nas semifinais. A maioría das medallas deste deporte repártense entre os clubes vascos e cataláns, aínda que nos últimos anos os clubes galegos están collendo protagonismo.
Podedes ver unha reportaxe fotográfica dos "teixugos" participantes nesta ligazón.