A GUARDA

PLAN E : AS OBRAS FEITAS (segunda parte)

Con este plan, intentouse impulsar a base de diñeiro público, a actividade económica e baixar a taxa de desemprego. Digo intentado, porque todo quedou niso, en boas intencións, pero dicen "que de ben intencionados está o inferno cheo" ou as contas bancarias persoais ateigadas.

Co Plan E, o que se se fixo foi desbordar en gastos pouco útiles ou polo menos nada urxentes, para alixeirar e de xeito provisional, as listas do paro "pan para hoxe, fame para mañá" (hoxe estou de refráns), pero nin un só € deste plan polo menos na Guarda, para investimento produtivo a longo prazo, ou o que é o mesmo, nada de xerar emprego sostible local. Dedicouse o diñeiro a levantar, ensanchar, mellorar, achicar, reacondicionar a Alameda do século XXI, club de remo, zona de recreo de Fedorento, Wifi, etc.. Ningunha destas obras, nin urxentes nin imprescindibles, e moito menos se se contratan empregados doutros concellos, portugueses e para disimular algún guardés.

Xa temos aquí o Plan E II, que leva exactamente o mesmo camiño, só que agora tamén poñemos o acento no paisaxístico, paseos, lecer, etc..., é dicir, a seguir desbaldindo sen control ningún o diñeiro do contribuínte, o noso diñeiro.

Este novo plan coincide en algo co anterior, e é en que hai que disimular, aparentar que se fai, sempre aparentar, a casa bonita por fóra aínda que non teñamos que comer.
De que servirán aos guardeses no paro unhas bonitas beirarrúas, paseos, etc.??? O xefe Gepetto, en infinidade de reportaxes dixo que o seu plan estaba dirixido en primeiro termo á subvención de proxectos de investimento produtivo sostible. Sin embargo na Guarda, non se deberon decatar do tema, parece mentira que habendo varios profesores no clan, sexan tan malos alumnos.

Finalmente e aproveitando que entendedes moito á hora de calificar (clan maioritario), avaliaremos as obras xa feitas:

Xestión: 0 (só unha das licitacións de todas as obras foi publicitada, as demáis...a puro DEDO)

Supervisión: 1 (tan boa foi a supervisión das obras que a nada de rematalas hai que facer mil e un arranxos)

Utilidade: 4 (despois de criticar tanto a situación dos xogos infantís na Atalaia, por ser unha zona moi ventosa, vós ides e facédelos en Fedorento, ideal da morte)

Urxencia: 0 (o que si é urxente é xerar emprego para os guardeses pero...)Necesidade: 1 (se vos parece de suma necesidade o parque de Fedorento, que diríamos de xestionar un servizo de Raios?)

Custo: 1 (a Alameda do século XXI: 604.000€, unha ganga, se non fose porque estaba de rebaixas, non se eu...)

En definitiva. NOTA FINAL: SUSPENSOS

Fai falta aclarar algo máis????


ZZZ... MOSQUITO CAPÓN