A GUARDA

EU NON SON PARVO (Parte 2)

Como quedou claro anteriormente, vostede Sr. voceiro, ao igual que o seu partido están de acordo con acernar os dereitos dos pais a participar na toma de decisións do idioma en que se ensinará aos nosos fillos. Segundo é do meu coñecemento, a educación debe estar afastada da confrontación e do debate ideolóxico, máis aínda se tratase de educar a menores de idade, pero este tema parece estar cautelosamente oculto ou non lle interesar a moitos. É preciso obviar a participación dos pais na toma de decisións educativas que afectan aos nosos fillos, se o que se pretende en realidade, é usalos como instrumentos de ideoloxización.

As imposicións, sexan de Dereitas ou de Izquierdas, son iso, IMPOSICIÓNS, có que iso implica, a eliminación das liberdades, ou o que é o mesmo DICTADURA.

A toma de conciencia, a valorización e a defensa da nosa cultura e identidade, non consiste só no idioma, somos moito máis que palabras, a pesar de que o seu partido só queda nesa superficie. Ser e sentirse orgullosamente galego, significa vivir como tal, aprender o noso idioma, utilizalo, gozar da nosa música, baile, tradicións, etc., pero non vexo que se reclame o ensino de todo isto nas aulas, somentes parecen importar as palabras.

Son galego cando falo a miña lingua materna, cando como, cando vivo día a día, pero non deixo de selo cando debo comunicarme noutro idioma. Ou vostede sí? Acaso é menos galego falando Castelán en Madrid? Ou con alguén que só fala castelán?

Co Tío Paco prohibíronnos o uso do galego, e iso foi dictadura, fascismo e un intento de asasinato da nosa identidade. Con estas imposicións non estades vós intentando que se faga o mesmo pero en sentido inverso? Cal sería entón a diferenza en canto ao respecto polas “nosas libertades”?
Esta pelexa estéril que só divide e destrúe, nun país onde todos dende hai moito tempo nos manexamos en Castelán ou Galego de acordo á nosa elección, é o que non ten sentido nin razón de ser. O que merece ser defendido é a liberdade de cada ún de poder elixir, o resto son folcloradas que só serven para que xente como vostede saia na foto. Os idiomas ten menos dereitos que as persoas, non se esqueza iso. Quero pensar que nun mundo no que se tende á globalización, no que nos unimos e formamos parte da UE, resulta anacrónico dividir, sectorizar, querer formar individuos só para parcelas pequenas, en lugar de cidadáns para o mundo. Ou é que acaso credes na "pureza da raza"?

Non quero educar os meus fillos para que resulten "estranxeiros en España, nin ignorantes en Galicia", incapaces de comunicarse axeitadamente, é máis gustaríame que puidesen como noutros países aos que tomamos moitas veces como modelos educativos e sociais, aprender dende a máis tenra infancia 3 ou 4 idiomas ou máis por que non? Serían entón menos galegos? Ou terían mellores armas para vivir nun mundo cada vez máis competitivo?

Finalmente, un último tema, parece mentira que sexan capaces de utilizar como con Paquito "o medo", iso de posible regreso de "mestres expedientados polo uso do idioma", por favor, somos galegos non años, non son o mesmo...
Eses tempos non volverán por dous motivos fundamentais, primeiro porque dende que somos democracia, que se saiba, ninguén sufriu represalia ningunha por unha diferenza idiomática, e en segundo lugar e o máis importante, porque Galicia deixou fai moito de ser soamente aldea amedrentada para ser parte do mundo e se houbese algún indicio de represión, esta vez ninguén se calaría ao ver que se levan ao seu veciño por pensar doutro xeito, e fose este vermello, azul, verde ou de raias, sairíamos na súa defensa simplemente porque é outro ser humano. Vostede no? Só defendería aos que falen galego ou sexan do seu partido? Se é así, como podería gobernarnos a todos se por milagre da natureza gañase a alcaldía? Que facemos cos que non falen ou non queiran falar galego, os botamos do pobo ou os levamos á Pasaxe?

Sr. voceiro (sen voz propia), isto pásalle por facer o mesmo que critica noutros partidos, escritos verticalistas de obediencia partidaria.

Zzz...MOSQUITO CAPÓN