O ROSAL

BASES DO I CAMPIONATO DE FUTBOLÍN “OS CABAQUEIROS”


Juan Ramón Martínez Barbosa / O Rosal

A inscrición se formalizará no Rexistro do Concello do Rosal ou por correo electrónico (turismo@concellodorosal.es) solicitando a folla para apuntarse. Cada parella deberá elixir un nome para a inscrición así como reflectir os seus acompañados dunha fotocopia do seu DNI. Darase preferencia á xente do Baixo Miño. No caso de que non se consiga completar o número de parellas participantes se admitirán as inscricións de fóra da comarca baixomiñota. Á hora da presentación do Campionato ou sorteo dos cruces entre as parellas participantes diante dos medios de comunicación deberá asistir polo menos o capitán de cada equipo.

REGULAMENTO E NORMAS DE XOGO
-A competición será ao mellor de cinco partidas. Gañará por tanto aquela parella que consiga a vitoria en tres. O vencedor de cada partida será o primeiro que marque 4 das 7 bolas.
-A bola do inicio da 1ª partida se efectuará por sorteo (cara-cruz). O resto das partidas sacará o perdedor da anterior.
-Non será considerado gol válido o arrastre da bola así como o remache á liña da defensa, sendo ambas accións gol nulo e a bola para o que encaixa o gol. Si é valido remachar ao porteiro.
-Non serán válidas as xogadas derivadas de golpear, xirar, tensar as barras ou soprar a bola.
-Non estará permitido mover o futbolín, fumar ou beber no transcurso das partidas.
-Os xogadores non poderán efectuar cambios de posición durante o partido e deberán esperar á seguinte partida.
-Ao rematar cada eliminatoria os participantes deberán saudarse deportivamente.

-A non comparecencia dun equipo na súa quenda de xogo suporalle a perda da eliminatoria.
-Ao final de cada partida se cambiará de campo.
-Todos os sorteos e dúbidas durante o xogo serán resoltas polo árbitro. As súas decisións serán inapelables.
-Todos os xogadores polo simple feito da súa inscrición se comprometen á aceptación destas regras e a acatar as decisións e fallos da Organización.