DEPORTES

FÚTBOL

Día de partidazo na Sangriña! 

O Sporting Guardés busca impoñer a súa lei ante o Domaio F.C.

Ricardo Rodríguez Vicente/A Guarda

 A emoción da Primeira Futgal (Grupo 6) regresa esta fin de semana ao noso feudo. Tras intensas xornadas de preparación, o primeiro equipo do Sporting Guardés vístese de gala para afrontar un duelo crucial nesta Xornada 8. As bancadas teñen que ser unha caldeira: visítanos o Domaio F.C., un rival aguerrido que obrigará aos nosos a baleirarse sobre o céspede desde o primeiro minuto. O obxectivo está claro: facer do noso estadio un fortín inexpugnable, recuperar as mellores sensacións e sumar tres puntos vitais ante a nosa xente. O equipo chega mentalizado, co coitelo entre os dentes e a mirada fixa na vitoria.

 ¡A afección xoga o primeiro gol!  Non hai escusas. O alento, os cánticos e a presión da marea amarela e negra teñen que sentirse en cada runcho do campo. Os xogadores vano dar todo no terreo de xogo, pero o empuxe final chega desde a bancada. 

 Trae a túa bufanda, sintoniza a túa gorxa e ven empuxar ao Sporting Guardés cara ao triunfo! Xuntos somos imparables!

Detalles do encontro:  

• Partido: Sporting Guardés-Domaio F.C. 

• Competición: Xornada 8 - Primeira Futgal (Grupo 6) 

• Data: Domingo 25 

• Hora: 17:00 h 

• Escenario: Estadio Municipal de A Sangriña