A GUARDA

A UNIDADE MÓBIL DA AXENCIA DE DOAZÓN DE ÓRGANOS E SANGUE VISITARÁ A GUARDA 

•  Estará instalada o vindeiro xoves, 25 de xuño, en horario de 16:15 a 21:00 horas, na rúa Rosalía de Castro, diante do Centro Cultural

Infogauda/A Guarda 

 A unidade móbil da Axencia de Doazón de Órganos e Sangue regresa esta semana a A Guarda para facilitar a doazón de sangue e contribuír a manter as reservas necesarias para atender a actividade asistencial dos hospitais galegos. 

 A unidade móbil estará instalada o vindeiro xoves, 25 de xuño, en horario de 16:15 a 21:00 horas, na rúa Rosalía de Castro, diante do Centro Cultural. 

 Desde a Axencia de Doazón de Órganos e Sangue lembran a importancia de doar para garantir a dispoñibilidade de compoñentes sanguíneos, imprescindibles para intervencións cirúrxicas, tratamentos oncolóxicos, transplantes, urxencias e outras necesidades médicas. 

 Recordade que hai uns requisitos mínimos para poder doar, como ser maior de idade e pesar máis de 50 quilogramos. Ademais, recoméndase acudir ben hidratado e non estar en xaxún.