TUI

O tudense Dámaso Rodríguez chegará esta xoves a Tui tras percorrer máis de mil quilómetros por vías xacobeas dende Alcalá de Henares 

•  Ás 12.30 h na casa do concello será recibido polo alcalde de Tui  

Dámaso Rodríguez Costas na praza do Obradoiro

Foto: C.T.

Infogauda/Tui

 O alcalde de Tui, Enrique Cabaleiro, recibirá este xoves, 7 de maio, ás 12.30 h na Casa do Concello a Dámaso Rodríguez Costas, que culmina nesa xornada a iniciativa “Cruzando Camiños” na que ten percorrido máis de mil quilómetros dende Alcalá de Henares até Tui a través dos Camiños de Santiago.  

 O tudense Dámaso Rodríguez Costas, presidente da Asociación de Amigos del Camino de Santiago Complutense de Alcalá de Henares (Madrid), veterano peregrino, emprendeu nos primeiros días de abril “Cruzando Camiños” conectando, a través de diversas rutas xacobeas, as históricas cidades de Alcalá de Henares e Tui, ambas localidades con séculos de pegadas peregrinas e un legado cultural e social que se entrelazan ao longo do tempo.