A GUARDA

As obras do campo municipal de fútbol da Sangriña avanzan para unha maior accesibilidade  

• Estase a construír unha nova pasarela de acceso, unha cantina e un almacén 

 

O alcalde e membros do goberno local, supervisando ás obras que estánse realizando no campo municipal de fútbol A Sangriña

Fotos: C.A.G.

 Infogauda / A Guarda

 O campo municipal de fútbol da Sangriña atópase en obras. Con esa actuación renovaranse as instalacións da cantina e do almacén da entrada.  

 O gran cambio será a pasarela que unirá a entrada coas gradas, facilitando a entrada de espectadores con mobilidade reducida, con cadeira de rodas, con carriños,...  

 Con esta intervención, o Concello de A Guarda aposta pola mellora das instalacións deportivas, non só para a práctica do deporte, senón tamén para o desfrute das familias e dos espectadores que acoden a apoiar aos equipos locais.  

 “Estamos moi contentos de poder darlle esta renovación ás instalacións do campo da Sangriña, pois é un punto de encontro para desfrutar do deporte e debe ser accesible para todos e todas”, afirma o alcalde.  

 Actualmente, o campo municipal da Sangriña é a casa dos equipos de fútbol do Sporting Guardés,  da Unión Guardesa, e do equipo de fútbol gaélico Gróvias F.G.  

 Esta intervención conta cun orzamento de 118.512,99€, dos cales 69.715,10€ proveñen da subvención do Plan Extraordinario de Infraestrutruras Deportivas da Deputación de Pontevedra e os 48.797,89€ son aportación do Concello de A Guarda.