TOMIÑO

A AGRUPACIÓN SOCIALISTA DE TOMIÑO CUESTIONA A SITUACIÓN DO SERVIZO DA RECOLLIDA DO LIXO E LIMPEZA DO CONCELLO

Día a día os veciños están a sufrir retrasos na recollida do lixo, contedores sucios con cheiros insoportables e insalubres, deteriorados a maioría e moitos inservibles

Agrupación do PSdeG-PSOE / Tomiño

 A Agrupación Socialista de Tomiño evidencia a súa preocupación pola situación do servizo de recollida de residuos e limpeza do noso concello, así como do futuro mais cercano do mesmo. 

 Día a día os veciños están a sufrir retrasos na recollida do lixo, contedores sucios con cheiros insoportables e insalubres, deteriorados a maioría e moitos inservibles. 

 As beirarrúas nos centros urbanos absolutamente desleixadas, por no falar das limítrofes ou parroquiais que estàn absolutamente abandoadas. A queixa é maioritaria entre veciñanza, comercios e usuarios, cando vimos de sufrir un incremento das taxas municipais por este servizo, pero que segue sen repercutir nunha mellor calidade do mesmo para as usuarias e usuarios  de Tomiño.  

 Lembramos que a concesión a Urbaser acumula prórrogas anuais dende hai sete anos,  que ocasiona un desleixo e desmotivación da empresa, e  que provoca a situación de caos que estamos padecendo.  

 Sen dúbida, a responsabilidade é do equipo de goberno local actual que entre escusas e escusas: 

 Primeiro, esperar a nova normativa da Unión Europea. Despois anos estudando e interpretando o modelo. Agora supostamente preparando pregos de licitación do novo contrato, para que  despois saia á poxa pública e adxudicación. Dubidamos que xa neste ano chegue a instaurarse e posiblemente nos quede outra prórroga mais como mínimo.  

 Reclamamos ó goberno local que aclare no menor tempo posible:

•  Canto tempo teremos aínda que esperar? 

• Cando pensan explicar aos grupos municipais o modelo que pensan implantar e por ende aos veciños? 

• Terá algún custo a maiores para os tomiñeses e  tomiñesas o novo servizo?